മമ്മൂക്ക ആരാധകനാണോ ? എങ്കില്‍ ഈ പത്ത് സിനിമകള്‍ കണ്ടേ മതിയാവൂ !!

മമ്മൂട്ടിയുടെ കരിയറിലെ ഏറ്റവും മികച്ച ചിത്രങ്ങളിലൊന്നായിരുന്നു എം ടി -ഹരിഹരന്‍ കൂട്ടുകെട്ടില്‍ പിറന്ന ഒരു വടക്കന്‍ വീരഗാഥ. മലയാളികള്‍ കേട്ടു പരിചയിച്ച ചതിയന്‍ ചന്തുവിന്റെ പൊളിച്ചെഴുത്തായിരുന്നു ചിത്രം.

എം ടി വാസുദേവന്‍ നായരുടെ തിരക്കഥയില്‍ ഹരിഹരന്‍ സംവിധാനം ചെയ്ത ചിത്രമാണ് പഴശ്ശിരാജ. കേരള വര്‍മ്മ പഴശ്ശിരാജയായി മമ്മൂട്ടി അരങ്ങു തകര്‍ത്ത ചിത്രമാണിത്. 27 കോടി രൂപ ചെലവിട്ടു നിര്‍മ്മിച്ച ചിത്രം മലയാള സിനിമ ചരിത്രത്തിലെ ഏറ്റവും ചെലവേറിയ ചലച്ചിത്രമാണ്.

ലോഹിതദാസിന്റെ തിരക്കഥയില്‍ കൊച്ചിന്‍ ഹിനീഫ സംവിധാനം ചെയ്ത ചിത്രമായിരുന്നു വാത്സല്യം. ചിത്രത്തില്‍ മമ്മൂട്ടി അവതരിപ്പിച്ച മേലേടത്ത് രാഘവന്‍ നായര്‍ പ്രേക്ഷകരുടെ മനസ്സില്‍ മായാതെ കിടക്കുകയാണ്. ചിത്രത്തിലൂടെ ആ വര്‍ഷത്തെ മികച്ച നടനുള്ള കേരള സംസഅഥാന ചലച്ചിത്ര പുരസ്‌ക്കാരം മമ്മൂട്ടിക്ക് ലഭിച്ചു.  

ടി ദാമോദരന്‍ തിരക്കഥയെഴുതി ഐ വി ശശി സംവിധാനം ചെയ്ത ചിത്രമാണ് ആവനാഴി. ബോക്‌സോഫീസില്‍ വന്‍ വിജയമാണ് ചിത്രം നേടിയത്. വിജയത്തെ തുടര്‍ന്ന് കടമൈ കണ്യം കട്ടുപ്പാട് എന്ന പേരില്‍ തമിഴിലും സത്യമേവ ജയതേ എന്ന പേരില്‍ ഹിന്ദിയിലും ചിത്രം റീമേക്ക് ചെയ്തിരുന്നു.

മാക് പ്രൊഡക്ഷൻസിന്റെ ബാനറിൽ എം അലി നിർമ്മിച്ച് ഷാജി കൈലാസ് സംവിധാനം ചെയ്ത് 1995-ൽ പ്രദർശനത്തിനെത്തിയ മലയാള ചലച്ചിത്രമാണ് ദി കിംഗ്. മമ്മൂട്ടിയാണ് ഈ ചിത്രത്തിലെ കേന്ദ്രകഥാപാത്രത്തെ അവതരിപ്പിച്ചിരിക്കുന്നത്. രഞ്ജി പണിക്കർ ആണ് ചിത്രത്തിന്റെ രചന നിർവ്വഹിച്ചിരിക്കുന്നത്.

രഞ്ജിത്തിന്റെ സംവിധാനത്തിൽ മമ്മൂട്ടി, ശ്വേത മേനോൻ, മൈഥിലി എന്നിവർ പ്രധാനവേഷങ്ങളിൽ അഭിനയിച്ച് 2009-ൽ പുറത്തിറങ്ങിയ മലയാള ചലച്ചിത്രമാണ്‌ 'പാലേരിമാണിക്യം ഒരു പാതിരാകൊലപാതകത്തിന്റെ കഥ'. സംസ്ഥാന ചലച്ചിത്ര അവാര്‍ഡുകള്‍ വാരിക്കൂട്ടിയ ചിത്രത്തില്‍ മൂന്നു വേഷങ്ങളിലാണ് മമ്മൂട്ടി എത്തിയത്.

മമ്മൂട്ടിയെ താരപദത്തിൽ എത്തിക്കുന്നതിൽ മുഖ്യ പങ്ക് വഹിച്ച ഒരു ചിത്രമായിരുന്നു സാമ്രാജ്യം. മധു, ശ്രീവിദ്യ, ക്യാപ്റ്റൻ രാജു, വിജയരാഘവൻ തുടങ്ങിയവർ മറ്റ് കഥാപാത്രങ്ങളെ അവതരിപ്പിച്ചിരിക്കുന്നു. 

ഐ വി ശശിയുടെ സംവിധാനത്തിൽ മമ്മൂട്ടി, മുരളി, എം എസ് തൃപ്പുണിത്തറ, ഉർവശി, ഗീത എന്നിവർ പ്രധാനവേഷങ്ങളിൽ അഭിനയിച്ച് 1991-ൽ പ്രദർശനത്തിനിറങ്ങിയ ഒരു മലയാളചലച്ചിത്രമാണ് ഇൻ‌സ്പെക്ടർ ബൽ‌റാം. ലിബർട്ടി പ്രൊഡക്ഷൻസിന്റെ ബാനറിൽ ബഷീർ നിർമ്മിച്ച ഈ ചിത്രം വിതരണം ചെയ്ത് ലിബർട്ടി റിലീസ് ആണ്. ടി ദാമോദരൻ ആണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്.

1982ല്‍ പുറത്തിറങ്ങിയ യവനിക എന്ന ചിത്രത്തിലാണ് മമ്മൂട്ടി ആദ്യമായി കാക്കി അണിയുന്നത്. ജേക്കബ് ഈറലി എന്നായിരുന്നു കഥാപാത്രത്തിന്റെ പേര്. ചിത്രത്തിലെ മമ്മൂട്ടിയുടെ വേഷം പ്രേക്ഷകര്‍ക്കിടയില്‍ ഏറെ  ശ്രദ്ധിക്കപ്പെട്ടു.

ജോഷിയുടെ സംവിധാനത്തിൽ മമ്മൂട്ടി, സുരേഷ് ഗോപി, ജയറാം, വിക്രം, ഗൗതമി തടിമല്ല എന്നിവർ പ്രധാനവേഷങ്ങളിൽ അഭിനയിച്ച് 1993-ൽ പുറത്തിറങ്ങിയ മലയാള ചലച്ചിത്രമാണ് 'ധ്രുവം'. സുനിത പ്രൊഡക്ഷൻസിന്റെ ബാനറിൽ എം മണി നിർമ്മിച്ച ഈ ചിത്രം അരോമ റിലീസ് ആണ് വിതരണം ചെയ്തത്. കഥ, സംഭാഷണം എന്നിവയെല്ലാം നിർവ്വഹിച്ചത് എസ് എൻ സ്വാമി, സാജൻ ബാബു എന്നിവർ ചേർന്നാണ്.