രാജ്യം കീഴടക്കാന്‍ ടൊവീനോയും മോഹന്‍ലാലും; മലയാളത്തില്‍ വരാനിരിക്കുന്ന പാന്‍ ഇന്ത്യന്‍ സിനിമകള്‍

ടൊവീനോ തോമസ് നായകനായി എത്തുന്ന പാന്‍ ഇന്ത്യന്‍ ചിത്രമാണ് അജയന്റെ രണ്ടാം മോഷണം. അഞ്ച് ഭാഷകളിലായി ഒരുക്കിയ ചിത്രത്തില്‍ ട്രിപ്പിള്‍ റോളിലാണ് ടൊവീനോ എത്തുന്നത്. നവാഗതനായ ജിതിന്‍ ലാലാണ് ചിത്രത്തിന്റെ സംവിധായകന്‍,. ബിഗ് ബജറ്റിലൊരുക്കിയ ചിത്രം അഞ്ച് ഭാഷകളിലായിട്ടാണ് റിലീസിനെത്തുന്നത്.  

പ്രേക്ഷകര്‍ ഒന്നടങ്കം കാത്തിരിക്കുന്ന ചിത്രമാണ് ബ്ലെസി-പൃഥ്വിരാജ് കൂട്ടുക്കെട്ടിലെത്തുന്ന ആടുജീവിതം. ബെന്യാമിന്റെ ആടുജീവിതം എന്ന നോവലിനെ അടിസ്ഥാനമാക്കി ഒരുക്കിയ ചിത്രം തമിഴ്, മലയാളം, ഹിന്ദി ഭാഷകളിലായാണ് റിലീസിനെത്തുന്നത്. വിദേശ ടെക്‌നീഷ്യന്മാരാണ് ചിത്രത്തിന്റെ അണിയറയില്‍ പ്രവര്‍ത്തിച്ചിട്ടുള്ളത്. അമല പോള്‍, അപര്‍ണ ബാലമുരളി, ലെന തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍

മലയാളത്തിലെ എക്കാലത്തെയും വലിയ ഹിറ്റുകളിലൊന്നായിരുന്നു പൃഥ്വിരാജ്-മോഹന്‍ലാല്‍ കൂട്ടുക്കെട്ടിലെത്തിയ ലൂസിഫര്‍. ചിത്രത്തിന്റെ രണ്ടാംഭാഗമായ എമ്പുരാനും ആദ്യ ഭാഗം പോലെ തന്നെ ബോക്‌സോഫീസില്‍ ഹിറ്റാവുമെന്നാണ് പ്രേക്ഷകര്‍ പറയുന്നത്. ഹോളിവുഡ് ചിത്രത്തിന് സമാനമായ രീതിയിലാണ് എമ്പുരാന്‍ ഒരുക്കുന്നത് എന്നാണ് പുറത്ത് വരുന്ന റിപ്പോര്‍ട്ടുകള്‍.  

മോഹന്‍ലാലിന്റെ ആദ്യ സംവിധാന ചിത്രമായ ബറോസ മലയാളം, ചൈനീശ്, പോര്‍ച്ചുഗീസ് തുടങ്ങി ഇരുപതോളം ഭാഷകളിലായി റിലീസ് ചെയ്യുമെന്നാണ് വാര്‍ത്തകള്‍. 2019ലായിരുന്നു ചിത്രത്തിന്റെ  പ്രഖ്യാപനം. പാസ് വേഗ, റഫേല്‍ അമാര്‍ഗോ, ഗുരു സോമസുന്ദരം, ജയചന്ദ്രന്‍ പാലാഴി തുടങ്ങിയവരാണ് ത്രീഡിയായി ഒരുക്കിയ ചിത്രത്തിലെ പ്രധാന താരങ്ങള്‍.  

മോഹന്‍ലാലും ജീത്തു ജോസഫും ഒന്നിക്കുന്ന ചിത്രമാണ് റാം. ബിഗ് ബജറ്റിലൊരുക്കിയ ചിത്രം ഹോളിവുഡ് സ്‌റ്റൈലിലുള്ള ആക്ഷന്‍ ചിത്രമാണ്. ജീത്തു ജോസഫ് തന്നെയാണ് ചിത്രത്തിന്റെ തിരക്കഥ എഴുതിയത്. തൃഷയാണ് ചിത്രത്തിലെ മറ്റൊരു പ്രധാന താരം.