Click it and Unblock the Notifications
തനിയാവര്ത്തനം മുതല് മാസ്റ്റര്പീസ് വരെ; അധ്യാപകനായി മമ്മൂട്ടി തിളങ്ങിയ ചിത്രങ്ങള്
1987ല് പുറത്തിറങ്ങിയ തനിയാവര്ത്തനം മുതല് 2017ല് പുറത്തിറങ്ങിയ മാസ്റ്റര്പീസ് എന്ന ചിത്രത്തിലുള്പ്പെടെ നിരവധി ചിത്രങ്ങളില് മമ്മൂട്ടി അധ്യാപകനായി തിളങ്ങിയിട്ടുണ്ട്. ഈ ചിത്രങ്ങളൊക്കെയും ബോക്സോഫീസില് മിന്നുന്ന വിജയം നേടുകയും ചെയ്തിട്ടുണ്ട്. മമ്മൂട്ടി അധ്യാപകനായി തിളങ്ങിയ പ്രധാനപ്പെട്ട 5 ചിത്രങ്ങളിതാ..
ഉള്ളടക്ക പട്ടിക
ലോഹിതദാസിന്റെ തിരക്കഥയില് സിബി മലയില് സംവിധാനം ചെയ്ത ചിത്രമാണ് തനിയാവര്ത്തനം. ചിത്രത്തില് ബാലന് മാഷ് എന്ന കഥാപാത്രത്തെയായിരുന്നു മമ്മൂട്ടി അവതരിപ്പിച്ചത്. കുടുംബത്തിലെ പുരുഷന്മാർക്ക് പാരമ്പര്യമായി ലഭിക്കുന്ന ഭ്രാന്തിന്റെ വിഹ്വലതകളിൽപ്പെട്ടുഴലുന്ന ബാലൻമാഷ് എന്ന കഥാപാത്രത്തിന്റെ സങ്കീർണ്ണഭാവങ്ങളാണ് ചിത്രത്തിന്റെ പ്രമേയം.
മോഹൻലാൽ , മമ്മൂട്ടി എന്നിവരെ പ്രധാന കഥാപാത്രമാക്കി ഐവി ശശി സംവിധാനം ചെയ്ത ചിത്രമാണ് അനുബന്ധനം. മുരളീധരൻ മാസ്റ്റർ എന്ന കഥാപാത്രയായിരുന്നു മമ്മൂട്ടി ചിത്രത്തിൽ അവതരിപ്പിച്ചത്. 1985ല് പുറത്തിറങ്ങിയ ചിത്രത്തിന് ആ വർഷത്തെ കേരള സർക്കാരിന്റെ മികച്ച കഥയ്ക്കുള്ള പുരസ്ക്കാരവും, സീമയ്ക്ക് മികച്ച നടിക്കുള്ള സംസ്ഥാന സർക്കാർ പുരസ്കാരവും ലഭിച്ചിരുന്നു.
മമ്മൂട്ടി, ശ്രീനിവാസൻ, ശോഭന, ആനി എന്നിവരെ പ്രധാന കഥാപാത്രങ്ങളാക്കി കമൽ സംവിധാനം ചെയ്ത ചിത്രമാണ് മഴയെത്തും മുന്പേ. ശ്രീനിവാസനാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രത്തില് കോളേജ് പ്രൊഫസറാ റായ നന്ദകുമാര് വര്മ എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. 1995-ൽ പ്രദർശനത്തിനെത്തിയ ചിത്രം ബോക്സാഫോസീല് മികച്ച വിജയം നേടിയിരുന്നു.
മമ്മൂട്ടിയെ പ്രധാന കഥാപാത്രമാക്കി മാര്ട്ടിന് പ്രക്കാട്ട് സംവിധാനം ചെയ്ത ചിത്രമാണ് ബെസ്റ്റ് ആക്ടര്. സിനിമാനടനാവാന് കൊതിക്കുന്ന മോഹന് എന്ന അധ്യാപകനെയാണ് ചിത്രത്തില് മമ്മൂട്ടി അവതരിപ്പിച്ചത്. നെടുമുടി വേണു, വിനായകൻ , സലിംകുമാർ, ലാൽ,സുരാജ് വെഞ്ഞാറമൂട് എന്നിവരായിരുന്നു ചിത്രത്തിലെ മറ്റു പ്രധാന അഭിനേതാക്കള്.
മമ്മൂട്ടി, ഉണ്ണി മുകുന്ദന്, വരലക്ഷ്മി ശരത് കുമാര് തുടങ്ങിയവരെ പ്രധാന കഥാപാത്രങ്ങളാക്കി അജയ് വാസുദേവ് സംവിധാനം ചെയ്ത ചിത്രമാണ് മാസ്റ്റര് പീസ്. ചിത്രത്തില് എഡ്വേര്ഡ് ലിവിങ്സ്റ്റണ് എന്ന സ്റ്റെലിഷ് അധ്യാപകനായിട്ടാണ് മമ്മൂട്ടി എത്തുന്നത്.
Continue with Google