സാമന്തയും രശ്മികയും പിന്നില്‍, മുന്നില്‍ പൂജ ഹെഗ്‌ഡെ; ടോളിവുഡ് നടിമാരുടെ പ്രതിഫലം

നിലവില്‍ തെലുങ്ക് സിനിമയില്‍ ഏറ്റവു കൂടുതല്‍ പ്രതിഫലം വാങ്ങുന്ന നടിയാണ് പൂജ ഹെഗ്‌ഡെ. തമിഴ് ചിത്രമായ മുഖംമൂടിയിലൂടെ ചലച്ചിത്രരംഗത്ത് എത്തിയ നടി ഇപ്പോള്‍ 3.50 കോടിക്ക് മുകളിലാണ് ഒരു സിനിമയ്ക്കായി വാങ്ങിക്കുന്ന പ്രതിഫലം.     

പൂജ ഹെഗ്‌ഡെ കഴിഞ്ഞാല്‍ നിലവില്‍ തെലുങ്കില്‍ ഏറ്റവു കൂടുതല്‍ പ്രതിഫലം വാങ്ങിക്കുന്ന രണ്ടാമത്തെ നടി കൂടിയാണ് രശ്മിക. മുന്‍പ് 2 കോടി രൂപയായിരുന്നു ഒരു ചിത്രത്തിനായി രശ്മിക വാങ്ങിയിരുന്ന പ്രതിഫലം. എന്നാല്‍ പുഷ്പയില്‍ അഭിനയിക്കാന്‍ 3കോടി രൂപയാണ് നടി വാങ്ങിയത്. .

പ്രതിഫലത്തിന്റെ കാര്യത്തില്‍ ഒന്നാം സ്ഥാനത്തായിരുന്ന സാമന്ത ഇപ്പോള്‍ മൂന്നാം സ്ഥാനത്താണ്. നിലവില്‍ 2 കോടി രൂപയാണ് ഒരു സിനിമയ്ക്കായി നടി വാങ്ങിക്കുന്ന പ്രതിഫലം. അല്ലു അര്‍ജ്ജുന്‍ നായകനായി എത്തിയ പുഷ്പയില്‍ ഒരു ഐറ്റം ഡാന്‍സില്‍ മാത്രമാണ് സാമന്ത ഉണ്ടായിരുന്നത്. അതിനായി ഒരു കോടി രൂപ സാമന്ത വാങ്ങിയെന്നാണ് റിപ്പോര്‍ട്ടുകള്‍ പറയുന്നത്.

തെന്നിന്ത്യയിലെ സൂപ്പര്‍താരം അനുഷ്‌ക ഷെട്ടി രണ്ട് കോടി രൂപയാണ് ഒരു സിനിമയ്ക്കായി വാങ്ങിക്കുന്ന പ്രതിഫലം. ബാഹുബലി, ബാഹുബലി 2 എന്നീ ചിത്രങ്ങളിലെ അഭിനയത്തിനു ശേഷമാണ് നടിയുടെ പ്രതിഫലം ഇത്രയും വര്‍ധിച്ചത്.

മഹാനടിയിലൂടെ ദേശീയ അവാര്‍ഡ് ലഭിച്ചതോടെ ഒരു സിനിമയ്ക്കായി നിലവില്‍ രണ്ട് കോടി രൂപയാണ് കീര്‍ത്തി സുരേഷ് വാങ്ങിക്കുന്ന പ്രതിഫലം. മരക്കാര്‍ അറബിക്കടലിന്റെ സിംഹമാണ് തെന്നിന്ത്യയിലെ തന്നെ സൂപ്പര്‍ നായികയായി മാറിയ കീര്‍ത്തിയുടെ ഏറ്റവും ഒടുവിലായി പുറത്തിറങ്ങിയ സിനിമ.