രഞ്ജിനി ജോസ് മുതല്‍ വൈക്കം വിജയലക്ഷ്മി വരെ; വിവാഹമോചിതരായ പ്രശസ്ത ഗായികമാര്‍

2008ലായിരുന്നു റോയ്‌സ് കിഴക്കൂടനുമായുള്ള റിമി ടോമിയുടെ വിവാഹം. എന്നാല്‍ 2019 ഏപ്രില്‍ 16ന് ഇരുവരും കോടതിയില്‍ വിവാഹമോചന ഹര്‍ജി നല്‍കുകയും പിന്നീട് പിരിയുകയും ചെയ്തു. 11 വര്‍ഷത്തെ വിവാഹജീവിതത്തിനുശേഷമായിരുന്നു ഇരുവരുടെയും വിവാഹമോചനം.  

2003ലായിരുന്നു എറണാകുളം സ്വദേശിയും ഡിജെയും സൗണ്ട് എഞ്ചിനീയറുമായ റാം നായരുമായുള്ള രഞ്ജിനിയുടെ വിവാഹം. എന്നാല്‍ 2018ല്‍ ഇരുവരും വേര്‍പിരിയുകയായിരുന്നു.  

2011 നവംബറിലായിരുന്നു മംമ്താ മോഹന്‍ദാസും ബിസിനസ്സുകാരനായ പ്രജിത്ത് കര്‍ത്തയും തമ്മിലുള്ള വിവാഹം. എന്നാല്‍ വിവാഹശേഷം പൊരുത്തകേടുകള്‍ ഉണ്ടായതിനെതുടര്‍ന്ന് 2012 ഡിസംബറില്‍ ഇരുവരും വേര്‍പിരിയുകയായിരുന്നു. തനിക്ക് സംഭവിച്ച ഏറ്റവും വലിയ തെറ്റായിരുന്നു തന്റെ വിവാഹമെന്നായിരുന്നു ഇതേക്കുറിച്ച് മംമ്ത പിന്നീട് പറഞ്ഞത്.

2010ലായിരുന്നു നടന്‍ ബാലയുമായുള്ള അമൃത സുരേഷിന്റെ വിവാഹം. മ്യൂസിക് റിയാലിറ്റി ഷോയിലൂടെയായിരുന്നു ഇരുവരും പ്രണയത്തിലാവുന്നത്. എന്നാല്‍ 2016ല്‍ ഇരുവരും വേര്‍പിരിഞ്ഞു. അവന്തികയാണ് ഏകമകള്‍.  

2018 ഒക്ടോബര്‍ 22നായിരുന്നു മിമിക്രി കലാകാരനായ അനൂപുമായുള്ള ഗായിക വൈക്കം വിജയലക്ഷ്മിയുുടെ വിവാഹം. എന്നാല്‍ പ്രശ്‌നങ്ങളെ തുടര്‍ന്ന് 2021ല്‍ ഇരുവരും വിവാഹമോചിതരായി.