ബോളിവുഡ് താരങ്ങളുടെ ഇഷ്ട സ്ട്രീറ്റ് ഫുഡ്

ഫിറ്റ്‌നസിന്റെ കാര്യത്തില്‍ മറ്റു നടന്മാരെപ്പോലെ തന്നെ വിട്ടുവീഴ്ചകള്‍ക്ക് തയ്യാറാവാത്ത നടനാണ് ഹൃത്വിക് റോഷന്‍. പാലുല്‍പ്പന്നങ്ങളും, വറുത്ത ഭക്ഷണങ്ങളും കഴിക്കാത്ത താരം പക്ഷേ സമൂസ കണ്ടാല്‍ അതെല്ലാം മറക്കും. സമൂസയാണ് ഹൃത്വിക്കിന്റെ പ്രിയപ്പെട്ട സ്ട്രീറ്റ് ഫുഡ്.  

ഛോലെ ഭട്ടൂരെയാണ് ഷാരൂഖ് ഖാന്റെ ഇഷ്ടപ്പെട്ട സ്ട്രീറ്റ് ഫുഡ്. ഡല്‍ഹിയിലെ ബംഗാളി മാര്‍ക്കറ്റില്‍ നിന്നും പലപ്പോഴും കിംഗ് ഖാന്‍ ഛോലെ ഭച്ചൂരെ കഴിക്കാറുണ്ട്.  

സ്ട്രീറ്റ് ഫുഡ് കഴിക്കാന്‍ ഒരുപാടിഷ്ടപ്പെടുന്ന നടനാണ് രണ്‍ബീര്‍ കപൂര്‍. പാവ് ഭാജിയാണ് താരത്തിന്റെ പ്രിയപ്പെട്ട ഭക്ഷണം.  

അമ്മയുണ്ടാക്കുന്ന ബിരിയാണിയാണ് സല്‍മാന്‍ ഖാന്റെ പ്രിയപ്പെട്ട ഭക്ഷണം. പുറത്തു പോയാല്‍ മിക്കപ്പോഴും ബിരിയാണി തന്നെയാണ് താരം കഴിക്കുന്നത്.  മുംബൈയിലെ ഹാജി അലി ദര്‍ഗയ്ക്ക് അടുത്തുള്ള കഫേ നൂറാനിയിലെ ബിരിയാണി തനിക്ക് ഇഷ്ടമാണെന്ന് താരം അടുത്തിടെ തുറന്നു പറഞ്ഞിരുന്നു.  

ഫിറ്റ്‌നസിന്റെ കാര്യത്തില്‍ യാതൊരു വിട്ടുവീഴ്ചയ്ക്കും തയ്യാറാവാത്ത നടനാണ് വരുണ്‍ ധവാന്‍. അതുകൊണ്ടുതന്നെയും ജങ്ക് ഫുഡിനോട് താരം നോ പറഞ്ഞിരിക്കുകയാണ്. പക്ഷേ ചീസ് മസാല ദോശ കണ്ടാല്‍ താരം ഫിറ്റ്‌നസ് മറക്കും. ദോശയ്‌ക്കൊപ്പം വത്തക്ക ജ്യൂസാണ് മിക്കപ്പോഴും വരുണ്‍ കുടിക്കുന്നത്.