Click it and Unblock the Notifications
അമ്മയുറങ്ങാത്ത വീട്; ഒറ്റയ്ക്ക് മക്കളെ വളർത്തുന്ന താരസുന്ദരിമാർ; കണ്ടുപഠിക്കാം ഇവരെ
വിവാഹമോചിതരായ സ്ത്രീകള്ക്ക് പലപ്പോഴും സമൂഹത്തില് നിന്നും മോശം അനുഭവങ്ങളാണ് നേരിടേണ്ടി വരുന്നത്. എന്നാല് കളിയാക്കലുകളെയും അടക്കംപറച്ചിലുകളെയും മറികടന്ന് സിംഗിള് മദറായി ജീവിക്കുന്ന പല സ്ത്രീകളും നമുക്ക് ചുറ്റുമുണ്ട്. അത്തരത്തില് വിവാഹങ്ങളും വിവാഹാമോചനങ്ങളും വലിയ വാര്ത്തകളാകുന്ന ഇക്കാലത്ത് സിംഗിള് മദറായി മക്കള്ക്കൊപ്പം സന്തോഷത്തോടെ ജീവിക്കുന്ന ടെലിവിഷന്രംഗത്തെ ചില നടിമാരിതാ.
ഉള്ളടക്ക പട്ടിക
ബഡായി ബംഗ്ലാവ് എന്ന ടെലിവിഷന് ഷോയിലൂടെ പ്രേക്ഷക മനസില് ഇടം നേടിയ നടിയാണ് ആര്യ. നിരവധി മലയാള സിനിമകളില് അഭിനനയിച്ചിട്ടുണ്ടെങ്കിലും ബഡായി ബംഗ്ലാവിലെ പ്രകടനത്തിലൂടെയാണ് ആര്യ ഇന്നും പ്രേക്ഷകര്ക്കിടയില് ശ്രദ്ധിക്കപ്പെടുന്നത്. കരിയറില് മികച്ച രീതിയില് മുമ്പോട്ട് പോവുമ്പോഴും സ്വകാര്യ ജീവിതത്തില് പലപ്പോഴും ആര്യയ്ക്ക് വീഴ്ചകള് സംഭവിച്ചിട്ടുണ്ട്. 2008ലായിരുന്നു രോഹിത് സുശീലനുമായുള്ള ആര്യയുടെ വിവാഹം. എന്നാല് 2018ല് ഇരുവരും വേര്പിരിയുകയായിരുന്നു. നിലവില് മകള്ക്കൊപ്പമാണ് ആര്യ താമസിക്കുന്നത്. പലപ്പോഴും സിംഗിള് പേരന്റ്സിന്റെ ജീവിതത്തെക്കുറിച്ച് ആര്യ തന്റെ യുട്യൂബ് ചാനലിലൂടെ സംസാരിക്കാറുണ്ട്.
ജനപ്രിയ ടെലിവിഷന് പരമ്പരയായ ഉപ്പും മുളകിലൂടെ ശ്രദ്ധിക്കപ്പെട്ട നടിയാണ് നിഷ സാരംഗ്. പത്താം ക്ലാസില് പഠിക്കുമ്പോഴായിരുന്നു നിഷയുടെ വിവാഹം. നിലവില് സിംഗിള് മദറായി മക്കള്ക്കൊപ്പം സന്തോഷത്തോടെ ജീവിക്കുകയാണ് നിഷ. ഇതിനടയില് നിഷ വീണ്ടും വിവാഹിതയാവുന്നു എന്ന തരത്തില് നിരവധി വാര്ത്തകള് വന്നിരുന്നു. എന്നാല് ഇനിയൊരിക്കലും വിവാഹം കഴിക്കില്ല എന്നായിരുന്നു വ്യാജ വാര്ത്തകളോട് നിഷ സാരംഗ് പ്രതികരിച്ചത്. ടെലിവിഷന് പരമ്പരകള്ക്ക് പുറമെ സിനിമകളുമായി മലയാള സിനിമയില് സജീവമാണ് നിഷയിപ്പോള്.
ഗായികയായും അഭിനേത്രിയായും മലയാളി മനസില് ഇടം നേടിയ താരമാണ് മനീഷ കെ.എസ്. മഴവില് മനോരമയിലെ തട്ടീം മുട്ടീം എന്ന ഷോയിലെ വാസവദത്ത എന്ന കഥാപാത്രത്തിലൂടെയാണ് മനീഷ കൂടുതല് ശ്രദ്ധിക്കപ്പെടുന്നത്. ബിഗ് ബോസ് മലയാളം സീസണ് അഞ്ചില് മത്സരാര്ത്ഥിയായി എത്തിയതോടെയാണ് മനീഷ തന്റെ വിവാഹജീവിതത്തെക്കുറിച്ചും മക്കളെക്കുറിച്ചും തുറന്നു പറഞ്ഞത്. ഷീന് ജോര്ജ്ജാണ് മനീഷയുടെ ഭര്ത്താവ്. എന്നാല് ദാമ്പത്യജീവിതത്തില് ഒത്തുപോവാനാവാതെ വന്നതോടെ ഇരുവരും വേര്പിരിയുകയായിരുന്നു. നിലവില് മക്കളായ നിതിനും നരീദയ്ക്കുമൊപ്പമാണ് മനീഷ താമസിക്കുന്നത്.
വയസ് 50 കഴിഞ്ഞിട്ടും വിവാഹം കഴിക്കാതെ കരിയറുമായി മുമ്പോട്ട് പോവുകയാണ് ശോഭന. എന്നാല് ഇതിനിടയില് 2011ല് താരം ഒരു പെണ്കുട്ടിയെ ദത്തെടുത്തിരുന്നു. അനന്ത നാരായണി എന്ന പേരിട്ടിരിക്കുന്ന കുട്ടിയുടെ കൂടുതല് വിശേഷങ്ങള് ശോഭന ഇതുവരെ പുറത്ത് വിട്ടിട്ടില്ല. എങ്കിലും മകള്ക്കൊപ്പം സമയം ചിലവഴിക്കുന്നതിന്റെ ചിത്രങ്ങള് പലപ്പോഴും സോഷ്യല്മീഡിയയില് താരം പങ്കുവെക്കാറുണ്ട്.
Continue with Google