അഭിനയത്തില്‍ ക്ലിക്കായില്ല, പക്ഷെ ഇവരുടെ ഐറ്റം ഡാന്‍സിനെ വെല്ലാന്‍ മലയാളത്തില്‍ ആളില്ല

മലയാളത്തിനു പുറമെ തെന്നിന്ത്യയിലും ഒരുപോലെ ആരാധകരുള്ള നടിയാണ് ഷംന കാസിം. ഡാന്‍സ് റിയാലിറ്റി ഷോകളിലൂടെ കരിയര്‍ ആരംഭിച്ച താരം 2004ല്‍ പുറത്തിറങ്ങിയ 'മഞ്ഞു പോലൊരു പെണ്‍കുട്ടി' എന്ന ചിത്രത്തിലൂടെയാണ് സിനിമയിലെത്തുന്നത്. എന്നാല്‍ മലയാള സിനിമയില്‍ ശ്രദ്ധിക്കപ്പെടാതെ വന്നതോടെ മറ്റു ഭാഷകളില്‍ താരം സജീവമാകുകയായിരുന്നു. മികച്ച നര്‍ത്തകി കൂടിയായ ഷംന നിരവധി ഐറ്റം ഡാന്‍സുകളും ചെയ്തിട്ടുണ്ട്. 2014ല്‍ പുറത്തിറങ്ങിയ 'രാജാധി രാജ' എന്ന ചിത്രത്തില്‍ ഷംന അവതരിപ്പിച്ച ഐറ്റം ഡാന്‍സ് ഏറെ ശ്രദ്ധിക്കപ്പെട്ടിരുന്നു.

2000ത്തില്‍ പുറത്തിറങ്ങിയ 'സായാഹ്നം' എന്ന ചിത്രത്തിലൂടെയായിരുന്നു രമ്യ നമ്പീശന്റെ സിനിമാ അരങ്ങേറ്റം. ബാലതാരമായി വെള്ളിത്തിരയിലെത്തിയ രമ്യ 2006ല്‍ പുറത്തിറങ്ങിയ ആനന്ദത്തിലൂടെയാണ് നായികയായി തുടക്കം കുറിക്കുന്നത്. പിന്നീടങ്ങോട്ട് ചോക്ലേറ്റ്, പന്തയക്കോഴി, ട്രാഫിക്, ചാപ്പാ കുരിശ് തുടങ്ങിയ ചിത്രങ്ങളിലൂടെ മലയാള സിനിമയില്‍ തന്റേതായ സ്ഥാനം ഉണ്ടാക്കിയെടുത്തു. അഭിനയത്തോടൊപ്പം തന്നെ ഗായികയായും തിളങ്ങിയ രമ്യ ഐറ്റം ഡാന്‍സിലും കഴിവ് തെളിയിച്ചിട്ടുണ്ട്. ബാച്ച്‌ലര്‍ പാര്‍ട്ടി എന്ന ചിത്രത്തിലായിരുന്നു രമ്യ ഐറ്റ ം ഡാന്‍സറായി എത്തിയത്. 'വിജന സുരഭി' എന്ന ഗാനം ആലപിച്ചതും രമ്യ തന്നെയായിരുന്നു. സിനിമയ്‌ക്കൊപ്പം തന്നെ ഗാനവും ഏറെ ശ്രദ്ധിക്കപ്പെട്ടിരുന്നു.

ഒരുകാലത്ത് മലയാളികള്‍ ഏറ്റുപാടിയ ഗാനങ്ങളിലൊന്നായിരുന്നു മാറ്റിനി എന്ന ചിത്രത്തിലെ അയലത്തെ വീട്ടിലെ എന്നു തുടങ്ങുന്ന ഗാനം. യുവാക്കള്‍ക്കിടയില്‍ തരംഗമായി മാറിയ ഐറ്റം സോങ്ങിനൊപ്പം ചുവടുകള്‍ വച്ചത്  മലയാളത്തിന്റെ പ്രിയതാരം മൈഥിലിയായിരുന്നു. ചിത്രം തിയേറ്ററുകളില്‍ ശ്രദ്ധിക്കപ്പെട്ടില്ലെങ്കിലും മൈഥിലിയുടെ ഡാന്‍സും ഈ ഗാനവും ഇന്നും മലയാളികളുടെ മനസിലുണ്ട്.

അമല്‍ നീരദ് ചിത്രം സാഗര്‍ ഏലിയാസ് ജാക്കിയിലെ ഒസാമ എന്ന ഐറ്റം സോങ്ങിന് ചുവടുകള്‍ വച്ചത് നടി ജ്യോതിര്‍മയി ആണ്. ചിത്രത്തോടൊപ്പം തന്നെ ജ്യോതിര്‍മയിയുടെ ഐറ്റം ഡാന്‍സും പ്രേക്ഷകര്‍ക്കിടയില്‍ ശ്രദ്ധിക്കപ്പെട്ടിരുന്നു. 2000ത്തില്‍ പുറത്തിറങ്ങിയ പൈലറ്റ്‌സ് എന്ന ചിത്രത്തിലൂടെ സിനിമയിലെത്തിയ താരം മീശമാധവനിലൂടെയാണ് ശ്രദ്ധിക്കപ്പെട്ടത്. തുടര്‍ന്ന് എന്റെ വീട് അപ്പൂന്റേം, പട്ടാളം തുടങ്ങിയ ചിത്രങ്ങളിലൂടെ മലയാള സിനിമയില്‍ സജീവമായി. മലയാളത്തോടൊപ്പം തന്നെ തമിഴ്, കന്നട, തെലുങ്ക് സിനിമകളിലും അഭിനയിച്ചിട്ടുണ്ട്. എന്നാല്‍ സംവിധായകന്‍ അമല്‍ നീരദുമായുള്ള വിവാഹത്തോടെ സിനിമയില്‍ നിന്നും വിട്ടുനില്‍ക്കുകയാണ് താരം.

മലയാളികളുടെ പ്രിയപ്പെട്ട നടിയാണ് ശ്വേത മേനോന്‍. മോഡലിംഗ് രംഗത്ത് നിന്നും സിനിമയിലെത്തിയ ശ്വേതയുടെ ആദ്യ സിനിമ 1991ല്‍ പുറത്തിറങ്ങിയ അനശ്വരം ആയിരുന്നു. പിന്നീട് ചെറുതും വലുതുമായി നിരവധി ചിത്രങ്ങളില്‍ ശ്വേത അഭിനയിച്ചു. 2011ല്‍ പുറത്തിറങ്ങിയ രതിനിര്‍വേദത്തിലൂടെയായിരുന്നു ശ്വേത മലയാളികള്‍ക്കിടയില്‍ ശ്രദ്ധിക്കപ്പെട്ടു തുടങ്ങിയത്. പിന്നീട് സോള്‍ട്ട് ആന്റ് പെപ്പര്‍, കളിമണ്ണ് തുടങ്ങിയ ചിത്രങ്ങളില്‍ ശക്തമായ കഥാപാത്രങ്ങളെ അതരിപ്പിച്ചു. ഇതിനിടയില്‍ ദില്‍ ദേന, ധംകീ തുടങ്ങിയ ചിത്രങ്ങളില്‍ ഐറ്റം ഡാന്‍സും അവതരിപ്പിച്ചിട്ടുണ്ട്.