വിവാഹമോചിതരായിട്ടും തളര്‍ന്നില്ല; രണ്ട് കെട്ടിയ മലയാള നടിമാര്‍

കോളേജില്‍ പഠിക്കുന്ന കാലത്തായിരുന്നു ജഗതി ശ്രീകുമാറുമായി മല്ലിക പ്രണയത്തിലാവുന്നത്. പിന്നീട് വീട്ടുകാരുടെ എതിര്‍പ്പിനെ തുടര്‍ന്ന് ഇരുവരും ഒളിച്ചോടി വിവാഹം കഴിക്കുകയായിരുന്നു. എന്നാല്‍ ഏറെ നാള്‍ കഴിയുമുമ്പേ ഇരുവരും വേര്‍പിരിഞ്ഞു. തുടര്‍ന്നായിരുന്നു സുകുമാരനുമായുള്ള മല്ലികയുടെ വിവാഹം. വിവാഹശേഷം സിനിമയില്‍ നിന്നും ഇടവേളയെടുത്ത മല്ലിക പിന്നീട് സുകുമാരന്റെ മരണശേഷമാണ് വെള്ളിത്തിരയിലേക്ക് തിരിച്ചെത്തിയത്.  

2009ലായിരുന്നു നിശാല്‍ ചന്ദ്രയുമായുള്ള കാവ്യ മാധവന്റെ വിവാഹം. എന്നാല്‍ ദാമ്പത്യജീവിതത്തില്‍ പൊരുത്തക്കേടുകള്‍ തുടര്‍ന്നതോടെ 2011ല്‍ ഇരുവരും വേര്‍പിരിയുകയായിരുന്നു. പിന്നീട് 2016ലായിരുന്നു ദിലീപുമായുള്ള കാവ്യ മാധവന്റെ വിവാഹം. പിന്നാലെ നിരവധി വിവാദങ്ങളും ഇവര്‍ക്ക് നേരെ ഉയര്‍ന്നിരുന്നു. ദിലീപിന്റെ വിവാഹമോചനത്തിനു കാരണം കാവ്യ മാധവനുമായുള്ള പ്രണയമാണ് എന്നതായിരുന്നു പ്രധാന വിവാദം.  

സിനിമയില്‍ തിളങ്ങി നില്‍ക്കുന്ന സമയത്തായിരുന്നു പ്രശസ്തനായ ഒരു മാധ്യമപ്രവര്‍ത്തകനുമായുള്ള ഷീലയുടെ വിവാഹം. എന്നാല്‍ അക്കാലത്ത് പ്രേം നസീറുമായി ഷീല പ്രണയത്തിലാവുകയും ഇരുവരുടെയും ബന്ധം സേവ്യറുമായി വേര്‍പിരിയാനും കാരണമായി എന്നാണ് കഥകള്‍. പ്രേം നസീറുമായുള്ള പ്രണയം അവസാനിച്ചതോടെയായിരുന്നു തമിഴ് നടന്‍ രവിചന്ദറുമായുള്ള ഷീലയുടെ രണ്ടാം വിവാഹം. എന്നാല്‍ രണ്ടാംവിവാഹവും അധികനാള്‍ നീണ്ടുപോയില്ല. മകന്‍ ജനിച്ചു കുറച്ചു കഴിയും മുമ്പ് തന്നെ ഷീലയും രവിചന്ദറും വേര്‍പിരിയുകയായിരുന്നു.  

1999ലായിരുന്നു മനോജ് കെ ജയനുമായുള്ള ഉര്‍വശിയുടെ ആദ്യ വിവാഹം. ഏറെ നാളത്തെ പ്രണയത്തിനൊടുവിലായിരുന്നു മലയാള സിനിമയിലെ പ്രണയജോഡികളുടെ വിവാഹം. എന്നാല്‍ 2008ല്‍ ഇരുവരും വേര്‍പിരിഞ്ഞു. ഉര്‍വശിയുടെ അമിതമായ മദ്യാപനമാണ് വേര്‍പിരിയലിന് കാരണമെന്നാണ് ഗോസിപ്പുകള്‍. പിന്നീട് 2013ലായിരുന്നു ശിവപ്രസാദ് എന്ന വ്യക്തിയുമായുള്ള ഉര്‍വശിയുടെ  വിവാഹം. നിലവില്‍ മികച്ച കഥാപാത്രങ്ങളുമായി മലയാള സിനിമയില്‍ സജീവമാണ് ഉര്‍വശി.  

1984ലായിരുന്നു നടന്‍ ശ്രീനാഥുമായുള്ള ശാന്തി കൃഷ്ണയുടെ ആദ്യ വിവാഹം. എന്നാല്‍ 1995ല്‍ ഇരുവരും വേര്‍പിരിഞ്ഞു. വിവാഹമോചിതയായതിനുശേഷം 1998ല്‍ കൊല്ലം സ്വദേശിയും അമേരിക്കന്‍ വ്യവസായിയുമായ ബജോര്‍ സദാശിവനെ ശാന്തി കൃഷ്ണ വിവാഹം ചെയ്തു. തുടര്‍ന്ന് സിനിമയില്‍ നിന്നും ഇടവേളയെടുക്കുകയും ചെയ്തു. എന്നാല്‍ 18 വര്‍ഷത്തിനുശേഷം ബജോറുമായി ശാന്തി കൃഷ്ണ വേര്‍പിരിയുകയായിരുന്നു. തുടര്‍ന്നായിരുന്നു താരത്തിന്റെ സിനിമയിലേക്കുള്ള തിരിച്ച് വരവ്.