ബാബുരാജ് പുത്തൂർ

മലയാള ചലച്ചിത്ര അഭിനേതാവാണ് ബാബുരാജ് പുത്തൂര്‍.സതീഷ് കളത്തില്‍ സംവിധാനം നിര്‍വ്വഹിച്ച് 2010ല്‍ പ്രദര്‍ശനത്തിനെത്തിയ ജലച്ചായം എന്ന ചിത്രത്തില്‍ പ്രധാന കഥാപാത്രത്തെ അവതരിപ്പിച്ചത് ബാബുരാജ് ആണ്.മൊബൈല്‍ ക്യാമറ ഉപയോഗിച്ച് ചിത്രീകരിച്ച ആദ്യത്തെ ഡിജിറ്റല്‍ ഫോര്‍മാറ്റിലുള്ള മുഴുനീള ചിത്രമാണ് ജലച്ചായം. ചിത്രത്തില്‍ സദാനന്ദന്‍ എന്ന കഥാപാത്രത്തെയാണ് ബാബുരാജ് അവതരിപ്പിച്ചത്. സദാനന്ദന്‍ എന്ന ഒരു ഗ്രാമീണ ചിത്രകാരനെ നഗരത്തിലെ മോഹന്‍ എന്ന ഒരു ചിത്രകലാ അദ്ധ്യാപകന്‍ ചിത്രകലയുടെ ആധുനിക സങ്കേതങ്ങള്‍ പഠിപ്പിക്കുകയും അയാളെ ഉപയോഗിച്ച് നല്ല ചിത്രങ്ങള്‍ വരപ്പിക്കുകയും ചെയ്യുന്നു.ആ സൃഷ്ടികളെ വില കൊടുത്ത് വാങ്ങുന്ന മോഹന്‍ പക്ഷെ, അവയെല്ലാം സ്വന്തം പേരിലാണ് പുറംലോകത്തെത്തിക്കുന്നത്. മോഹന്റെ ഈ ചതി സദാനന്ദന്‍ തിരിച്ചറിയുമ്പോള്‍ ഉണ്ടാകുന്ന സംഭവവികാസമാണ്  ചിത്രം പറയുന്നത്. കൂടാതെ ചിത്രത്തിലെ 'അഗാധമാം ആഴി തുളുമ്പി' എന്നു തുടങ്ങുന്ന ഗാനം ആലപിക്കുകയും ചെയ്യതിട്ടുണ്ട്. ഇതിനുുറമെ സതീഷ് കളത്തില്‍തന്ന സംവിധാനം നിര്‍വ്വഹിച്ച വീണവാദനം എന്ന ചലച്ചിത്ര ആവിഷ്‌കാരത്തിന് സംഗീതം നിര്‍വ്വഹിക്കുകയും ചെയ്യ്തിട്ടുണ്ട്.