ഫസ്റ്റ് ക്ലാപ്

ജീവചരിത്രം:  ചലച്ചിത്ര നിര്‍മ്മാണ കമ്പനിയാണ് ഫസ്റ്റ് ക്ലാപ്. ഫിലിം ലവേഴ്‌സ് ഫോറം ഓഫ് കേരള  എന്നതിന്റെ ചുരുക്കപേരാണ് ഫസ്റ്റ് ക്ലാപ്. സിനിമാ രംഗത്ത് പ്രവര്‍ത്തിക്കാന്‍ താല്പര്യവും അഭിരുചിയുമുള്ള പുതിയ കലാകാരന്‍മാരെ കണ്ടെത്തി അവരെ മുഖ്യധാരയിലേക്കെത്തിക്കുവാന്‍ ലക്ഷ്യമിട്ട് പ്രശസ്ത സംവിധായകരായ ഷാരൂണ്‍ കാര്യാല്‍, എം.പത്മകുമാര്‍, ജോജോ കെ. വര്‍ഗീസ് എന്നിവരുടെ നേതൃത്വത്തില്‍ രൂപം കൊണ്ടതാണ് ഫസ്റ്റ് ക്ലാപ്.   പുതുമുഖങ്ങളെ പ്രധാന കഥാപാത്രങ്ങളാക്കി പ്രവീണ്‍ കേളിക്കോടന്‍, റിയാസ് റാസ് എന്നിവര്‍ ചേര്‍ന്ന് സംവിധാനം ചെയ്യ്ത'പുള്ള്  ആണ് നിര്‍മ്മിച്ച ആദ്യ ചിത്രം. ഫസ്റ്റ് ക്ലാപിന്റെ അംഗങ്ങളായ 300 പേരില്‍ നിന്ന് തിരഞ്ഞെടുത്ത 80 ഓളം പേരാണ് ചിത്രത്തിന്റെ അരങ്ങിലും അണിയറയിലും ഉള്ളത്. ഓരോ അംഗവും ചുരുങ്ങിയത് 500 രൂപ മുതല്‍ തങ്ങളുടെ സുഹൃത്തുക്കളോടും ബന്ധുക്കളോടുമെല്ലാം സംഭാവനയായി ശേഖരിച്ചു കൊണ്ടാണ് സിനിമയുടെ ഷൂട്ടിങ്ങിനായുള്ള പണം കണ്ടെത്തിയിരിക്കുന്നത്. കണ്ണൂരിലെ തെയ്യത്തിന്റെ പശ്ചാത്തലത്തില്‍ വര്‍ത്തമാനകാല ലോകത്തെക്കുറിച്ചും ലക്ഷ്യബോധമില്ലാതെ മനുഷ്യര്‍ നടത്തുന്ന പ്രവൃത്തികള്‍ എത്രത്തോളം സമൂഹത്തിനും ഭൂലോകത്തിനു തന്നെയും തിരിച്ചടിയായി തിരിച്ചുവരുമെന്നുള്ളതാണ്  പുള്ള് അവതരിപ്പിക്കുന്നത്.  ധനില്‍കൃഷ്ണ, റീന മറിയം, സന്തോഷ് കരസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.