ഹൗ ഓള്‍ഡ് ആര്‍ യു കഥ

റോഷന്‍ ആന്‍ഡ്രൂസ് സംവിധാനം ചെയ്ത ചിത്രമാണ് ഹൗ ഓള്‍ഡ് ആര്‍ യു. ചിത്രത്തിൽ മഞ്ജു വാര്യർ, കുഞ്ചാക്കോ ബോബൻ, കനിഹ തുടങ്ങിയവർ പ്രധാന വേഷങ്ങള്‍ കൈകാര്യം ചെയ്യുന്നു. യു ഡി ക്ലര്‍ക്കായ നിരുപമ രാജീവ് എന്ന 36കാരിയുടെ വേഷമാണ്  മഞ്ജു വാര്യര്‍ ഈ ചിത്രത്തിൽ അവതരിപ്പിക്കുന്നത്. 14 വർഷങ്ങൾക്കു ശേഷമുള്ള തന്റെ തിരിച്ചു വരവിന് തളമിടുകയായിരുന്നു  മഞ്ജു വാര്യർ ഈ ചിത്രത്തിലൂടെ.

നിരുപമയുടെ ഭർത്താവ് രാജീവായി കുഞ്ചാക്കോ  ബോബൻ  ഈ ചിത്രത്തിൽ വേഷമിടുന്നു , ഇയാൾ ആകാശവാണിയിൽ അനൗണ്‍സറായി  ജോലിനോക്കുന്നു.  ഇതാദ്യമായാണ് ഇവർ രണ്ടു പേരും ഒരു സിനിമക്ക് വേണ്ടി ഒന്നിച്ചു പ്രവർത്തിക്കുന്നത്. നിരുപമയുടെ കൂട്ടുകാരി സൂസന്‍ (കനിഹ) ഒരു  മള്‍ട്ടിനാഷനല്‍ കമ്പനിയുടെ ചീഫ് ഓപ്പറേറ്റിങ് ഓഫിസറാണ്. വിദേശവാസം സ്വപ്നം കണ്ടു കഴിയുന്ന ഒരു ചെരുപ്പകരനാണ് നിരുപമയുടെ ഭർത്താവായ രാജീവ്‌. ഭര്‍ത്താവിനൊപ്പം വിദേശത്തേക്ക് പോകാന്‍ ഇന്റര്‍വ്യുവിനു പോകുന്ന നിരുപമ പ്രായം 36 ആയതിന്റെ പേരില്‍ തള്ളിപ്പോകുന്നു. തുടർന്ന് നിരുപമ വിദേശത്ത് പോകാൻ സ്വീകരിക്കുന്ന മാർഗ്ഗങ്ങളാണ് ചിത്രത്തിന്റെ പ്രധാന വഴിത്തിരിവുകൾ.