ലവകുശ കഥ

നീ കോ ഞാ ചാ എന്ന ചിത്രത്തിന് ശേഷം ഗിരീഷ് സംവിധാനം ചെയ്ത ചിത്രമാണ് 'ലവകുശ'.  ആര്‍ ജെ ക്രിയേഷന്‍സിന്റെ ബാനറില്‍ ജെയ്‌സണ്‍ ഇളംകുളം ഗിരീഷ് വൈക്കം എന്നിവരാണ് ചിത്രം നിര്‍മ്മിച്ചിരിക്കുന്നത്. നടന്‍ നീരജ് മാധവിന്റേതാണ്  തിരക്കഥ. ബിജു മേനോന്‍, അജു വര്‍ഗീസ്, നീരജ് മാധവ് തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ദീപ്തി സതി, തെസ്‌നി ഖാന്‍, അഞ്ജലി അനീഷ് എന്നിവരാണ് മറ്റു കഥാപാത്രങ്ങളെ അവതരിപ്പിച്ചിരിക്കുന്നത്. 

വിദേശ കോപ് ആക്ഷന്‍ ഡ്രാമകളെ ഓര്‍മിപ്പിക്കും വിധം കാറില്‍ പൊലീസ് വേഷത്തില്‍ വന്നിറങ്ങുന്ന നീരജ്- അജു കഥാപാത്രങ്ങളില്‍ നിന്നാണ് ലവകുശ ആരംഭിക്കുന്നത്. പേരൊന്നുമില്ലാതെ പരസ്പരം ബോസെന്ന് വിളിക്കുന്ന ഇരുവരുടെയും യാത്രയാണ് ചിത്രം പറയുന്നത്. സിനിമാ താരങ്ങളുടെ ഫേസ്ബുക്ക് പേജുകള്‍ നിയന്ത്രിക്കുന്നയാളാണ് ചിത്രത്തല്‍ അജു. സിനിമയിലെ ടച്ചിംഗ് ബോയ് എന്ന കഥാപാത്രത്തെയാണ്  നീരജ് അവതരിപ്പിക്കുന്നത്. ഇവര്‍ രണ്ടുപേരും ചെന്നെയില്‍ വെച്ച് കണ്ട് മുട്ടുകയും അവിടെ നിന്ന പരിചയപ്പെട്ട ഇവര്‍ കേരളത്തില്‍ തമിഴ് സിനിമയിലേക്ക് താരങ്ങളെ കണ്ടെത്തുന്ന പുതിയ കാസ്റ്റിംഗ് കമ്പനി തുടങ്ങുന്നതിനായി ചെന്നൈയില്‍ നിന്ന് ട്രെയിന്‍ മാര്‍ഗം കേരളത്തിലേക്ക് വരുന്നതും യാത്രയുടെ ഇടക്ക് വെച്ച് ബിജുമേനോന്റെ കഥാപാത്രമായ വെങ്കിയുമായി പരിചയപ്പെടുകയും പിന്നീട് അവര്‍ ആ യാത്രയില്‍ ഒരു പ്രശ്‌നത്തില്‍ പെടുകയും ചെയ്യുന്നതാണ് ചിത്രത്തിന്റെ കഥ. ബികെ ഹരിനാരായണന്‍, റിസി, അതുള്‍ പി.എം എന്നിവരുടെ വരികള്‍ക്ക് സംഗീതം പകര്‍ന്നിരിക്കുന്നത് ഗോപി സുന്ദര്‍ ആണ്. അജു വര്‍ഗീസ്, നീരജ് മാധവ്, റിസീ, അതുള്‍ പി.എം എന്നിവരാണ് ഗാനങ്ങള്‍ ആലപിച്ചിരിക്കുന്നത്.