മലയാളത്തിന്റെ സ്വന്തം ഗഫൂര്‍ക്ക; മാമുക്കോയയുടെ അനസ്വര കഥാപാത്രങ്ങളിതാ

മാമുക്കോയയുടെ കരിയറിലെ എക്കാലത്തെയും മികച്ച കഥാപാത്രങ്ങളിലൊന്നാണ് നാടോടിക്കാറ്റിലെ ഗഫൂര്‍ക്ക. സിനിമയിറങ്ങി വര്‍ഷങ്ങള്‍ കഴിഞ്ഞിട്ടും ഗഫൂര്‍ക്കാ ദോസ്ത് എന്ന മാമുക്കോയയുടെ ഡയലോഗ് മലയാളികളുടെ മനസില്‍ നിറഞ്ഞു നില്‍ക്കുകയാണ്. മലയാളത്തിലെ എക്കാലത്തെയും ഹിറ്റ് ചിത്രങ്ങളിലൊന്നായ നാടോടിക്കാറ്റ് 1987ലായിരുന്നു റിലീസ് ചെയ്തത്. ശ്രീനിവാസന്റെ സംവിധാനത്തില്‍ പുറത്തിറങ്ങിയ ചിത്രം തമിഴ്, തെലുങ്ക്, കന്നട, ഹിന്ദി എന്നി ഭാഷകളിലേക്കും റീമേക്ക് ചെയ്തിരുന്നു.  

മാമുക്കോയുടെ എക്കാലത്തെയും ഹിറ്റ് കഥാപാത്രങ്ങളിലൊന്നാണ് കണ്‍കെട്ടിലെ കീലേരി അച്ചു. സ്വാഭാവിക അഭിനയത്തിലൂടെ കീലേരി അച്ചു എന്ന കഥാപാത്രത്തെ അത്രത്തോളം മനോരമായിട്ടാണ് മാമുക്കോയ അവതരിപ്പിച്ചിരിക്കുന്നത്. 1991ല്‍ പുറത്തിറങ്ങിയ ചിത്രത്തില്‍ ജയറാം, ശ്രീനിവാസന്‍, ശോഭന എന്നിവരായിരുന്നു പ്രധാന താരങ്ങള്‍. രാജന്‍ ബാലകൃഷ്ണന്‍ സംവിധാനം ചെയ്ത ചിത്രത്തിന്റെ തിരക്കഥ എഴുതിയത് ശ്രീനിവാസനായിരുന്നു.    

മലയാളികളുടെ എക്കാലത്തെയും പ്രിയപ്പെട്ട സിനിമകളിലൊന്നാണ് സന്ദേശം. ജയാമും, ശ്രീനിവാസനും മത്സരിച്ചഭിനയിച്ച ചിത്രത്തില്‍ മാമുക്കോയ അവതരിപ്പിച്ച കെ.ജി പൊതുവാളും ഏറെ ശ്രദ്ധിക്കപ്പെട്ടിരുന്നു. ശ്രീനിസാന്റെ തിരക്കഥയില്‍ സത്യന്‍ അന്തിക്കാട് സംവിധാനം ചെയ്ത ചിത്രത്തിന് ഇന്നും ആരാധകര്‍ ഏറെയാണ്.  

ബോക്‌സോഫീസ് കളക്ഷനുകള്‍ തിരുത്തിക്കുറിച്ച മലയാളത്തിലെ മറ്റൊരു സൂപ്പര്‍ഹിറ്റ് ചിത്രമായിരുന്നു പ്രിയദര്‍ശന്റെ സംവിധാനത്തില്‍ പുറത്തിറങ്ങിയ ചന്ദ്രലേഖ. ചിത്രത്തില്‍ പലിശക്കാരന്‍ ബീരാന്‍ എന്ന കഥാപാത്രത്തെയായിരുന്നു മാമുക്കോയ അവതരിപ്പിച്ചത്. സ്വതസിദ്ധമായ അഭിനയ ശൈലിയിലൂടെ മാമുക്കോയ പ്രേക്ഷരെ ഞെട്ടിച്ച ചിത്രം കൂടിയാണ് ചന്ദ്രലേഖ.  

ഹാസ്യകഥാപാത്രങ്ങളിലൂടെ പ്രേക്ഷകരെ ഞെട്ടിച്ച മാമുക്കോയ മറ്റൊരു മികച്ച കഥാപാത്രമായിരുന്നു റാംജീ റാവു സ്പീക്കിങ്ങിലെ ഹംസക്കോയ. തുടക്കം മുതല്‍ ഒടുക്കം വരെ പ്രേക്ഷകരെ രസിപ്പിച്ച ചിത്രം മലയാളത്തിലെ ഹിറ്റു ചിത്രങ്ങളിലൊന്നു കൂടിയാണ്. ഹാസ്യത്തിനപ്പുറം പ്രേക്ഷകരുടെ ഉള്ളുലച്ച കഥാപാത്രങ്ങളിലൊന്നു കൂടിയാണ് ചിത്രത്തിലെ മാമുക്കോയയുടെ ഹംസക്കോയ.