സന്ദേശം

ശ്രീനിവാസൻ-സത്യൻ അന്തിക്കാട് കൂട്ടുകെട്ടിൽ പിറന്ന രാഷ്ട്രീയ-കുടുംബ ആക്ഷേപഹാസ്യ ചിത്രമാണ് സന്ദേശം. അന്ധമായ രാഷ്ട്രീയം കുടുംബബന്ധങ്ങളേയും സമൂഹത്തേയും എങ്ങനെ ദോഷകരമായി സ്വാധീനിക്കുന്നു എന്ന സന്ദേശമാണ് ഈ ചിത്രത്തിലൂടെ നമുക്ക് ലഭിക്കുന്നത്. 

തമിഴ് നാട്ടിലെ നീണ്ട 33 വർഷത്തെ ഇന്ത്യൻ റെയിൽ‌വേ ഔദ്യോഗിക ജീവിതത്തിൽ നിന്ന് വിരമിച്ച് നാട്ടിൽ തിരിച്ചെത്തിയ രാഘവൻ നായർ (തിലകൻ) ഭാര്യ ഭാനുമതിയുടേയും (കവിയൂർ പൊന്നമ്മ) മക്കളുടേയും കൂടെയുള്ള സ്വസ്ഥമായ വിശ്രമ ജീവിതമാണ് ആഗ്രഹിച്ചത്. എൽ എൽ ബി ക്കാരനായ മൂത്തമകൻ പ്രഭാകരനും (ശ്രീനിവാസൻ) ബി എസ് സി ക്കാരനായ രണ്ടാമത്തെ മകൻ പ്രകാശനും (ജയറാം) ജോലിക്കൊന്നും ശ്രമിക്കാതെ രാഷ്ട്രീയ...