മുന്നറിയിപ്പ് (2014)(U)

താരപദവി ഒന്നും ഇല്ലാത്ത സാധാരണക്കാരനായ മമ്മൂട്ടിയെയാണ് വേണു തൻറെ രണ്ടാമത്തെ ചിത്രത്തിൽ അവതരിപ്പിച്ചത്. രണ്ട് കൊലപാതകങ്ങൾ നടത്തിയ രാഘവൻ (മമ്മൂട്ടി) ശിക്ഷ കഴിഞ്ഞു പുറത്തിറങ്ങുകയാണ്. ഈ സമയത്ത് അഞ്ജലി അറക്കൽ (അപർണ ഗോപിനാഥ് ) അയാളുടെ ജീവിതത്തിലേക്ക് കടന്നു വരുന്നു. പിന്നീട് നടക്കുന്ന സംഭവങ്ങളുമാണ് ചിത്രം പറയുന്നത്.

ഉണ്ണി ആർ ഒരുക്കിയ സംഭാഷണങ്ങളാണ്  ചിത്രത്തിന്റെ പ്രധാന ഹൈലൈറ്റ് . ഗോൾഡ്‌ കോയിൻ മോഷൻ പിക്ചേർസിന്റെ ബാനറിൽ സംവിധായകൻ രഞ്ചിത്താണ് മുന്നറിയിപ്പിൻറെ നിർമ്മാതാവ്. വേണു തന്നെയാണ് ചിത്രത്തിന്റെ ക്യാമറ കൈകാര്യം ചെയ്യ്തിരിക്കുന്നത്. ബിജി ബാലിന്റെതാണ്  സംഗീതം.