കഥ/ സംഭവവിവരണം
മോഹന്‍ലാലിനെ നായകനാക്കി ബോളിവുഡ് സംവിധായകനായ അജോയ് വര്‍മ്മ സംവിധാനം ചെയ്യുന്ന ചിത്രമാണ് നീരാളി. സായ് കുമാര്‍, സുരാജ് വെഞ്ഞാറമൂട്, ദിലീഷ് പോത്തന്‍, അനുശ്രീ, പാര്‍വ്വതി നായര്‍ എന്നിവരാണ് ചിത്രത്തിലെ മറ്റു താരങ്ങള്‍. മുംബൈ, സതര, മംഗോളിയ, തായ്‌ലാന്‍ഡ് എന്നിവിടങ്ങളിലാണ് ചിത്രത്തിന്റെ ഷൂട്ടിങ്ങ് നടക്കുന്നത്. ചിത്രത്തിന്റെ കഥ കേട്ടപ്പോള്‍തന്നെ എത്രയും പെട്ടെന്ന് ചിത്രം ചെയ്യണമെന്ന് മോഹന്‍ലാല്‍ തീരുമാനിക്കുകയും അതിനായി മറ്റ് പ്രൊജക്ടുകള്‍ മാറ്റിവെക്കുകയുമായിരുന്നു.
സാജു തോമസിന്റെയാണ് തിരക്കഥ. മൂണ്‍ഷോട്ട് എന്റര്‍ടെയ്ന്‍മെന്‍സിന്റെ ബാനറില്‍ സന്തോഷ് ടി കുരുവിളയാണ് ചിത്രം നിര്‍മ്മിക്കുന്നത്. ജോണ്‍ തോമസ്, മിബു ജോസ് നെറ്റിക്കാടന്‍ എന്നിവരാണ് സഹനിര്‍മ്മാതാക്കള്‍. ബോളിവുഡിലെ പ്രശസ്ത ഛായാഗ്രഹകന്‍ സന്തോഷ് തുണ്ടിയിലാണ് ചിത്രത്തിന് ക്യാമറ ചലിപ്പിക്കുന്നത്. സ്റ്റീഫന്‍ ദേവസിയാണ് സംഗീതം നിര്‍വ്വഹിക്കുന്നത്.
ബന്ധപ്പെട്ട വാര്‍ത്ത
