ഓർമ്മയുണ്ടോ ഈ മുഖം കഥ

വിനീത് ശ്രീനിവാസനും, നമിത പ്രമോദും ജോഡികളായി അഭിനയിച്ച പ്രണയചിത്രമാണ് ഓർമ്മയുണ്ടോ ഈ മുഖം. നവാഗതനായ അന്‍വര്‍ സാദിഖാണ് ചിത്രം സംവിധാനം ചെയ്തത്. ഒരു മെട്രോ നഗരത്തിലെ അപ്പര്‍ ക്ലാസ്‌ ഫാമിലിയില്‍ നടക്കുന്ന കഥയാണ്‌ ഈ ചിത്രത്തിന്റേത്‌. വിനീത്‌ ശ്രീനിവാസന്‍, അജു വര്‍ഗീസ്‌, നമിതാ പ്രമോദ്‌ എന്നീ മൂന്നു കഥാപാത്രങ്ങളിലൂടെയാണ്‌ ചിത്രത്തിന്റെ കഥ വികസിക്കുന്നത്. ശ്രദ്ധേയമായ രണ്ടു കഥാപാത്രങ്ങളെ രോഹിണിയും മുന്‍കാല നായിക ലക്ഷ്‌മിയും അവതരിപ്പിക്കുന്നു. ഒരു ശില്‍പ്പിയുടെ വേഷത്തിലാണ് നമിത ഈ ചിത്രത്തില്‍ അഭിനയിക്കുക. ആര്‍ ജെ ക്രിയേഷന്‍സിന്റെ ബാനറില്‍ ജെയ്‌സണ്‍ എളങ്ങളം നിര്‍മ്മിക്കുന്ന ഈ സിനിമയുടെ ചിത്രീകരണം പൂന, ബാംഗ്ലൂര്‍, കൊച്ചി, പോണ്ടിച്ചേരി എന്നീ പ്രദേശങ്ങളിലായാണ് നടന്നത്. ആര്‍ ജെ ഫിലിംസാണ് ചിത്രം പ്രദര്‍ശനത്തിനെത്തിക്കുന്നത്.