സീബ്ര വരകള്‍ കഥ

സജിന്‍ലാല്‍ സംവിധാനം ചെയ്ത മലയാള ചിത്രമാണ് 'സീബ്ര വരകള്‍'. എജെ സേവിയറിന്റെ സീബ്ര വരകള്‍ എന്ന നോവലിനെ ആസ്പദമാക്കിയാണ് ചിത്രം ഒരുക്കിയത്. മേഘ്‌ന രാജാണ് ചിത്രത്തില്‍ കേന്ദ്രകഥാപാത്രത്തെ അവതരിപ്പിക്കുന്നത്. സ്ത്രീ കഥാപാത്രങ്ങള്‍ക്ക് പ്രാധാന്യം നല്‍കുന്ന ചിത്രത്തില്‍ മാധ്യമ പ്രവര്‍ത്തകയുടെ വേഷത്തിലാണ് മേഘ്‌ന രാജ് എത്തുന്നത്.രാഷ്ട്രീയ പ്രവര്‍ത്തകനായ അച്ഛന്റെ ആദര്‍ശങ്ങളെ വെല്ലുവിളിക്കുന്ന മാധ്യമ പ്രവര്‍ത്തകയാണ് ചിത്രത്തില്‍ മേഘ്‌ന.  100 ഡിഗ്രി സെല്‍ഷ്യസ് എന്ന ചിത്രത്തിന് ശേഷം മേഘ്‌ന രാജ് വീണ്ടും ജേണലിസ്റ്റിന്റെ വേഷം അണിയുന്ന ചിത്രം കൂടിയാണിത്. വളരെ ബോള്‍ഡായ കഥാപാത്രത്തെയാണ് മേഘ്‌ന അവതരിപ്പിക്കുന്നത്. ഷീലു എബ്രഹാം, അന്‍സിബ ഹസ്സന്‍, ഭീമന്‍ രഘു, ഗീത വിജയന്‍ എന്നിവരാണ് ചിത്രത്തിലെ മറ്റു താരങ്ങള്‍. ജെ സേവിയര്‍ ആണ് ചിത്രത്തിന്റെ തിരക്കഥ എഴുതിയിരിക്കുന്നത്. രാജീവ് ആലുങ്കലിന്റെ വരികള്‍ക്ക് പെരുമ്പാവൂര്‍ ജി രവിന്ദ്രനാഥ് ആണ് സംഗീതം നല്‍കിയിരിക്കുന്നത്.ഹാഷ്മി ഫിലിം ഇന്റര്‍നാഷണലിന്റെ ബാനറില്‍ എഫ്  ഷംനാദാണ് ചിത്രം നിര്‍മ്മിക്കുന്നത്.