ഓപ്പറേഷന്‍ ജാവ മുതല്‍ വൂള്‍ഫ് വരെ ; 2021ല്‍ ZEE5ല്‍ റിലീസ് ചെയ്ത മലയാള ചിത്രങ്ങള്‍

ബാലു വർഗീസ്, ലുക്മാൻ അവറാന്‍ എന്നിവരെ പ്രധാന കഥാപാത്രങ്ങളാക്കി തരുണ്‍ മൂര്‍ത്തി സംവിധാനം ചെയ്ത ചിത്രമാണ് ഓപ്പറേഷന്‍ ജാവ. ഒരു റോ ഇന്‍വെസ്റ്റിഗേഷന്‍ ത്രില്ലറായ ചിത്രം ഫെബ്രുവരി 12നാണ് പ്രേക്ഷകരിലേക്ക് എത്തിയത്.

സിജു വില്‍സനെ നായകനാക്കി റെജീഷ് മിഥില സംവിധാനം ചെയ്ത ഇന്നു മുതല്‍ മാര്‍ച്ച് 28നാണ് റിലീസായത്. ചിത്രത്തിന്റെ തിരക്കഥ എഴുതിയതും സംവിധായകന്‍ തന്നെയാണ്‌.   

മഞ്ജു വാര്യരും സണ്ണി വെയ്‌നും പ്രധാന കഥാപാത്രങ്ങളായി എത്തിയ ചതുര്‍ മുഖം ഏപ്രില്‍ 8നാണ് പ്രേക്ഷകരിലേക്ക് എത്തിയത്.രഞ്ജീത് കമല ശങ്കര്‍, സലില്‍ വി എന്നിവരാണ് ചിത്രത്തിന്റെ സംവിധായകര്‍. ആസിഫ് അലി നായകനായി എത്തിയ കോഹിനൂറിന്റെ തിരക്കഥ എഴുതിയത് ഇരുവരും ചേര്‍ന്നായിരുന്നു.

വിഷ്ണു ഉണ്ണികൃഷ്ണൻ, സാനിയ ഇയ്യപ്പന്‍ എന്നിവരെ പ്രധാന കഥാപാത്രങ്ങളാക്കി സൂരജ് ടോം സംവിധാനം ചെയ്ത കൃഷ്ണന്‍കുട്ടി പണി തുടങ്ങി ഏപ്രില്‍ 11നാണ് പ്രേക്ഷകരിലേക്ക് എത്തിയത്. കോമഡി ഹൊറര്‍ ത്രില്ലറായ ചിത്രത്തില്‍ ഹോം നഴ്‌സ് ആയ ഉണ്ണിക്കണ്ണന്റെ ജീവിതത്തില്‍ അവിചാരിതമായി സംഭവിക്കുന്ന സംഭവങ്ങളാണ് പറയുന്നത്. 

ജി.ആര്‍ ഇന്ദുഗോപന്റെ തിരക്കഥയില്‍ ഷാജി അസീസ് സംവിധാനം ചെയ്ത ചിത്രമാണ് ദി വൂള്‍ഫ്. ഏപ്രില്‍ 18നായിരുന്നു ചിത്രത്തിന്റെ റിലീസ്. അര്‍ജ്ജുന്‍ അശോകന്‍, ഷൈന്‍ ടോം ചാക്കോ, സംയുക്ത മേനോന്‍ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.