67ാംമത്‌ ദേശീയ ചലച്ചിത്ര അവാര്‍ഡ് ; പുരസ്കാര നിറവിൽ മലയാള സിനിമ

നിരവധി അവാര്‍ഡുകള്‍ സ്വന്തമാക്കിയ ബിരിയാണിക്ക് ദേശീയ ചലച്ചിത്ര ജൂറിയുടെ പ്രത്യേക പരാമര്‍ശം ലഭിച്ചിരുന്നു. സജിന്‍ ബാബു സംവിധാനം ചെയ്ത ചിത്രത്തില്‍ കനി കുസൃതിയാണ് പ്രധാന കഥാപാത്രത്തെ അവതരിപ്പിച്ചത്.  

നിരവധി ചലച്ചിത്ര മേളകളില്‍ പ്രദര്‍ശിപ്പിച്ച കെഞ്ചിരക്കാണ് മികച്ച പണിയ ചിത്രത്തിനുള്ള അറുപത്തിയേഴാമത് ദേശീയ ചലച്ചിത്ര പുരസ്‌ക്കാരം ലഭിച്ചത്. മനോജ് കാനയാണ് ചിത്രത്തിന്റെ സംവിധായകന്‍.  

രൗഹുല്‍ റിജി നായര്‍ സംവിധാനം ചെയ്ത കള്ള നോട്ടത്തിനാണ് മികച്ച മലയാള ചിത്രത്തിനുള്ള ദേശീയ ചലച്ചിത്ര അവാര്‍ഡ് ലഭിച്ചത്.  

അറുപത്തിയേഴാമത് ദേശീയ ചലച്ചിത്ര പുരസ്‌ക്കാരത്തില്‍ മൂന്നു അവാര്‍ഡുകളാണ് പ്രിയദര്‍ശന്‍ സംവിധാനം ചെയ്ത മരക്കാര്‍ അറബിക്കടലിന്റെ സിംഹം സ്വന്തമാക്കിയത്. മികച്ച ഫീച്ചര്‍ ചിത്രം, മികച്ച സ്‌പെഷ്യല്‍ ഇഫക്ട്, മികച്ച കോസ്റ്റിയൂം ഡിസൈന്‍ എന്നിങ്ങനെയാണ് അവാര്‍ഡുകള്‍.  

ലിജോ ജോസ് പെല്ലിശ്ശേരി സംവിധാനം ചെയ്ത ജല്ലിക്കെട്ടിലൂടെ ഗിരീഷ് ഗംഗാധരന് മികച്ച ഛായാഗ്രാഹകനുള്ള ദേശീയ ചലച്ചിത്ര അവാര്‍ഡ് ലഭിച്ചു.  

അറുപത്തിയേഴാമത് ദേശീയ ചലച്ചിത്ര പുരസ്‌ക്കാരത്തില്‍ 2 അവാര്‍ഡുകളാണ് ഹെലന്‍ സ്വന്തമാക്കിയത്. മികച്ച മേക്കപ്പിനുള്ള പുരസ്‌ക്കാരവും, മികച്ച നവാഗത സംവിധായകനുള്ള ഇന്ദിരാഗാന്ധി അവാര്‍ഡുമാണ് ചിത്രം നേടിയത്.  

മികച്ച ഗാനരചയിതാവിനുള്ള ദേശീയ ചലച്ചിത്ര പുരസ്‌ക്കാരം കോളാമ്പിയിലെ ഗാനങ്ങള്‍ എഴുതിയ പ്രഭാ വര്‍മ സ്വന്തമാക്കി.  

ശരണ്‍ വേണുഗോപാല്‍ സംവിധാനം ചെയ്ത ഒരു പാതിരാസ്വപ്‌നം പോലെ എന്ന ചിത്രത്തിനാണ് മികച്ച കുടുംബമൂല്യമുള്ള ചിത്രത്തിനുള്ള ദേശീയ ചലച്ചിത്ര അവാര്‍ഡ് ലഭിച്ചത്. നദിയ മൊയ്തുവാണ് ചിത്രത്തിലെ പ്രധാന കഥാപാത്രത്തെ അവതരിപ്പിച്ചത്.