പ്രിയങ്ക മുതല്‍ ദീപിക വരെ, ബോളിവുഡില്‍ താരസുന്ദരിമാരുടെ പ്രതിഫലം, ഒന്നാമത് ഈ താരം

ദീപിക പദുക്കോണ്‍ ആണ് നിലവില്‍ ബോളിവുഡില്‍ ഏറ്റവും കൂടുതല്‍ പ്രതിഫലം വാങ്ങുന്ന നടി. ''ഓം ശാന്തി ഓം'' എന്ന ബ്ലോക്ക്ബസ്റ്റര്‍ ചിത്രത്തിലൂടെ കരിയര്‍ ആരംഭിച്ച ദീപിക ഒരു ചിത്രത്തിനായി 15 മുതല്‍ 30 കോടി വരെയാണ് ഇപ്പോള്‍ പ്രതിഫലമായി വാങ്ങിക്കുന്നത്.  

15 കോടി മുതല്‍ 27 കോടി വരെയാണ് ബോളിവുഡിന്റെ പ്രിയതാരം കങ്കണ റണാവത്തിന്റെ പ്രതിഫലം. ക്വീന്‍, തനു വെഡ്‌സ് മനു തുടങ്ങിയ ചിത്രങ്ങളിലൂടെയാണ് കങ്കണ ബോളിവുഡില്‍ ശ്രദ്ധിക്കപ്പെട്ടത്.  

ബോളിവുഡിലും ഹോളിവുഡിലും ഒരുപോലെ തിളങ്ങിയ പ്രിയങ്ക ചോപ്ര ഒരു ചിത്രത്തിനായി 14 കോടി മുതല്‍ 23 കോടി വരെയാണ് പ്രതിഫലമായി വാങ്ങിക്കുന്നത്.  

ധൂം 3, ടൈഗര്‍ സിന്ദ ഹേ, ജബ് തക് ഹേ ജാന്‍ തുടങ്ങി നിരവധി ബ്ലോക്ക്ബസ്റ്ററുകള്‍ ബോളിവുഡിന് നല്‍കിയ കത്രീന കൈഫ് 15 കോടി മുതല്‍ 21 കോടി വരെയാണ് ഒരു ചിത്രത്തിനായി വാങ്ങിക്കുന്ന പ്രതിഫലം.  

2000ത്തില്‍ പുറത്തിറങ്ങിയ റെഫ്യൂജി എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ച കരീന കപൂര്‍ ചുരുങ്ങിയ സമയം കൊണ്ടായിരുന്നു ബിടൗണിന്റെ പ്രിയപ്പെട്ട നടിയായി മാറിയത്. നിലവില്‍ 12 മുതല്‍ 18 കോടിവരെയാണ് കരീന കപൂര്‍ ഒരു ചിത്രത്തിനായി വാങ്ങിക്കുന്ന പ്രതിഫലം.