ഫിറ്റ്‌നസിന് വേണ്ടി എന്തും ഉപേക്ഷിക്കാന്‍ തയ്യാര്‍; ഒറ്റയടിയ്ക്ക് വെജിറ്റേറിയനായ താരങ്ങള്‍

കൃത്യമായ ഡയറ്റ് പിന്തുടരുന്ന താരമാണ് അമിതാഭ് ബച്ചന്‍. എത്ര തിരക്കായാലും ഡയറ്റില്‍ വീഴ്ച വരുത്താന്‍ ബിഗ് ബി സമ്മതിക്കാറില്ല. മുമ്പ് നന്നായി മാംസാഹാരം കഴിച്ചിരുന്ന താരം ഇപ്പോള്‍ പൂര്‍ണമായും സസ്യാഹാരമാണ് കഴിക്കുന്നത് എന്നാണ് റിപ്പോര്‍ട്ടുകള്‍. പ്രഭാത ഭക്ഷണത്തിന് ഒരു ഗ്ലാസ് പാലും ഒരു മുട്ടയുമാണ് ബിഗ് ബി കഴിക്കുന്നത്. ദിവസവും ജിമ്മില്‍ പോവുന്ന അമിതാഭ് എല്ലാ ദിവസവും അതിരാവിലെ 20-30 മിനുട്ടുകളോളം നടക്കുകയും ചെയ്യാറുണ്ട്. വര്‍ഷങ്ങളായി മദ്യം ഉപക്ഷേിച്ച അമിതാഭ് ചായ, കാപ്പി എന്നിവയും കുടിക്കാറില്ല. വളരെ കൃത്യമായി ഡയറ്റ് പ്ലാനുകള്‍ നോക്കിയാണ് അമിതാഭ് തന്റെ ആരോഗ്യം കാത്തു സൂക്ഷിക്കുന്നത്.  

2020 മുതലാണ് ആലിയ ഭട്ട് പൂര്‍ണമായും മാംസാഹാരം ഉപേക്ഷിച്ചത്. ഉറങ്ങി എഴുന്നേറ്റാല്‍ ഉടന്‍ തന്നെ ക്യാരറ്റ്, ബീറ്റ്റൂട്ട് പോലുള്ള വെജിറ്റബിള്‍ ജ്യൂസാണ് ആലിയ കുടിക്കുന്നത്. പിന്നീട് ഒരു കപ്പ് ചായക്കൊപ്പം ഒരു മുട്ടയുടെ വെള്ള അല്ലെങ്കില്‍ വെജിറ്റബിള്‍ സാന്‍വിച്ച് കഴിക്കും. തുടര്‍ന്ന് 11 മണിക്കാണ് ആലിയയുടെ പ്രഭാത ഭക്ഷണം. ഇഡ്ഡലിയും സാമ്പറുമാണ് ആലിയയുടെ പ്രിയപ്പെട്ട പ്രഭാത ഭക്ഷണം. അതല്ലെങ്കില്‍ 11 മണിക്ക് പഴങ്ങളാണ് ആലിയ കഴിക്കുന്നത്. ചോറ്  പൂര്‍ണമായും ഉപേക്ഷിച്ച ആലിയ ഉച്ചയ്ക്ക് റൊട്ടിയും ഒരു കപ്പ് പരിപ്പ് സൂപ്പും വേവിച്ച പച്ചക്കറികളുമാണ് കഴിക്കുന്നത്. ഉച്ചഭക്ഷണത്തിനൊപ്പം ആലിയയ്ക്ക് തൈര് നിര്‍ബന്ധമാണ്. വൈകുന്നേരങ്ങളില്‍ ഒരു കപ്പ് ചായ നിര്‍ബന്ധമാണ് താരത്തിന്. അതുപോലെ രാത്രി ഉറങ്ങുന്നതിനു 2 മണിക്കൂര്‍ ഭക്ഷണം കഴിക്കണമെന്നത് ആലിയയ്ക്ക് നിര്‍ബന്ധമാണ്. പൂര്‍ണമായും പച്ചക്കറികളും പഴങ്ങളും കഴിച്ച് ഈ പ്രായത്തിലും തന്റെ ഫിറ്റ്‌നസ് അതിമനോഹരമായി കാത്തുസൂക്ഷിക്കുകയാണ് ആലിയ.  

2015 മുതല്‍ ഭക്ഷണത്തില്‍ നിന്നും മാംസാഹാരം മാറ്റി നിര്‍ത്തിയ ബോളിവുഡ് താരമാണ് ആമിര്‍ ഖാന്‍. ചെറിയ അളവില്‍ ഇടവേളകളില്‍ ഭക്ഷണം കഴിക്കുന്നതാണ് ആമിറിന്റെ ഭക്ഷണരീതി. പ്രഭാത ഭക്ഷണത്തിനും ഉച്ച ഭക്ഷണത്തിനും തുടങ്ങി മിക്ക സമയത്തും കൂടുതല്‍ പച്ചക്കറികളും പഴങ്ങളും കഴിക്കാനാണ് താരം ഇഷ്ടപ്പെടുന്നത്. കൃത്യമായ വര്‍ക്കൗട്ടും അതിനൊപ്പം കൃത്യമായ ഭക്ഷണവും കഴിക്കുന്നതാണ് ആമീറിന്റെ ഫിറ്റ്‌നസിന്റെ രഹസ്യം.  

അടുത്തിടെയൊണ് ഷാഹിദ് കപൂര്‍ ഭക്ഷണത്തില്‍ നിന്നും പൂര്‍ണമായും മാംസാഹാരം ഉപേക്ഷിച്ചത്. രാവിലെ ദോശ, ഇഡ്ഡലി ഇവയില്‍ ഏതെങ്കിലുമൊന്ന് കഴിക്കാനാണ് ഷാഹിദിന് ഇഷ്ടം. ഭക്ഷണ പ്രിയനായ ഷാഹിദ് മിക്കപ്പോഴും ഭക്ഷണം കഴിക്കുന്ന ചിത്രങ്ങള്‍ സോഷ്യല്‍മീഡിയയില്‍ പങ്കുവെക്കാറുണ്ട്.  

സംസ്യാഹാരം മാത്രം കഴിക്കാന്‍ ഇഷ്ടപ്പെടുന്ന മറ്റൊരു ബോളിവുഡ് നടിയാണ് സോനാക്ഷി സിന്‍ഹ. ഉറങ്ങി എഴുന്നേറ്റാല്‍ ഉടന്‍ തന്നെ ചെറു ചൂടുള്ള വെള്ളവും നാരാങ്ങാനീരും തേനും ചേര്‍ത്ത വെള്ളമാണ് സോനാക്ഷി കുടിക്കുന്നത്. പ്രഭാത ഭക്ഷണത്തിന് പാല്‍ നിര്‍ബന്ധമാണ്. കൂടാതെ ദിവസും ഫ്രൂട്ട് സാലഡ് കഴിക്കാനും താരം ശ്രദ്ധിക്കാറുണ്ട്.