10 കോടിയൊക്കെ പണ്ട്, ഇപ്പോള്‍ 100 കോടിയാണ്, മലയാളത്തിലെ ഏറ്റവും ചെലവേറിയ 5 സിനിമകള്‍

ഹരിഹരന്റെ സംവിധാനത്തില്‍ 2009ല്‍ പുറത്തിറങ്ങിയ ചിത്രമാണ് പഴശ്ശിരാജ. മമ്മൂട്ടി, ശരത്കുമാര്‍, മനോജ് കെ ജയന്‍, സുരേഷ് കൃഷ്ണ, കനിഹ തുടങ്ങി വന്‍താര നിര അണിനിരന്ന ചിത്രത്തിന്റെ നിര്‍മ്മാണച്ചെലവ് 27 കോടിയാണ്‌.  

മലയാളത്തിലെ എക്കാലത്തെയും മികച്ച ബോക്‌സോഫീസ് ഹിറ്റുകളിലൊന്നാണ് വൈശാഖ്-മോഹന്‍ലാല്‍ കൂട്ടുക്കെട്ടില്‍ പുറത്തിറങ്ങിയ പുലിമുരുകന്‍. ഏതാണ്ട് 152 കോടിയാണ് ചിത്രത്തിന്റെ കളക്ഷന്‍. 2016ല്‍ പുറത്തിറങ്ങിയ ചിത്രത്തിന്റെ നിര്‍മ്മാണച്ചെലവ് 25 കോടിയാണ്‌.  

സന്തോഷ് ശിവന്റെ സംവിധാനത്തില്‍ 2011ല്‍ പുറത്തിറങ്ങിയ ചിത്രമാണ് ഉറുമി. പൃഥ്വിരാജ്, പ്രഭുദേവ, ജെനീലിയ ഡിസൂസ തുടങ്ങിയവര്‍ പ്രധാന കഥാപാത്രങ്ങളായി എത്തിയ ചിത്രത്തിന്റെ നിര്‍മ്മാണച്ചെലവ് 20 കോടിയാണ്.  

കാഞ്ചനമാലയുടെയും മൊയ്തീന്റെയും അനശ്വര പ്രണയത്തിന്റെ കഥ പറഞ്ഞ എന്ന് നിന്റെ മൊയ്തീന്‍ എന്ന ചിത്രത്തിന്റെനിര്‍മ്മാണച്ചെലവ് 12 കോടിയാണ്. 2015ല്‍ പ്രദര്‍ശനത്തിനെത്തിയ ചിത്രത്തിന്റെ കളക്ഷന്‍ 50 കോടിയായിരുന്നു.  

മലയാളത്തിലെ ബോക്‌സോഫീസ് ഹിറ്റുകളിലൊന്നായ ബാംഗ്ലൂര്‍ ഡെയ്‌സിന്റെ നിര്‍മ്മാണച്ചെലവ് 18 കോടിയായിരുന്നു. നിവിന്‍ പോളി, നസ്രിയ നസീം, ഫഹദ് ഫാസില്‍, ദുല്‍ഖര്‍ സല്‍മാന്‍ തുടങ്ങി വന്‍താര നിര അണിനിരന്ന ചിത്രത്തിന്റെ കളക്ഷന്‍ 45 കോടിയായിരുന്നു.