കല്യാണങ്ങളുടേയും 2022; പോയ വർഷത്തിലെ താരവിവാഹങ്ങള്‍

2022 ഏപ്രില്‍ 28നായിരുന്നു നടി മൈഥിലിയും ആര്‍ക്കിടെക്റ്റായ സമ്പത്തും തമ്മിലുള്ള വിവാഹം. ഗുരുവായൂരില്‍ വച്ച് നടന്ന വിവാഹത്തില്‍ അടുത്ത സുഹൃത്തുക്കളും ബന്ധുക്കളും മാത്രമായിരുന്നു പങ്കെടുത്തത്.  

ദുബായില്‍ വച്ച് 2022 ഒക്ടോബര്‍ 24നായിരുന്നു നടി ഷംന കാസിമിന്റെ വിവാഹം. ജെബിഎസ് ഗ്രൂപ്പ് കമ്പനി സ്ഥാപകനും സിഇഒയുമായ ഷാനിദ് അലിയാണ് ഷംനയുടെ ഭര്‍ത്താവ്. മഞ്ഞ് പോലൊരു പെണ്‍കുട്ടി എന്ന ചിത്രത്തിലൂടെയായിരുന്നു ഷംനയുടെ സിനിമാഅരങ്ങേറ്റം.    

2022 ഫെബ്രുവരി 21നായിരുന്നു നടന്‍ ലുക്മാന്റെ വിവാഹം. ജുമൈമ എന്നാണ് താരത്തിന്റെ ഭാര്യയുടെ പേര്. എന്നാല്‍ വിവാഹദിനത്തില്‍ നിറത്തിന്റെ പേരില്‍ നിരവധി അധിക്ഷേപങ്ങളാണ് ലുക്മാന് നേരെ ഉയര്‍ന്നത്‌. പിന്നാലെ താരത്തെ അനുകൂലിച്ചും പ്രതികൂലിച്ചും നിരവധി പേര്‍ രംഗത്ത് വന്നിരുന്നു.      

2022 ജൂണിലായിരുന്നു നടന്‍ വിശാഖ് നായരും ജയപ്രിയയും തമ്മിലുള്ള വിവാഹം. ബാംഗ്ലൂരില്‍ വച്ച് നടന്ന വിവാഹത്തില്‍ അടുത്ത സുഹൃത്തുക്കളും ബന്ധുക്കളും മാത്രമായിരുന്നു പങ്കെടുത്തത്. ആനന്ദത്തിലൂടെ സിനിമയിലെത്തിയ വിശാഖ് വളരെ പെട്ടെന്നായിരുന്നു പ്രേക്ഷക മനസില്‍ ഇടം നേടിയത്.    

2022 ജൂണ്‍ 25നായിരുന്നു ഗായിക മഞ്ജരിയും ജെറിനും തമ്മിലുള്ള വിവാഹം. വിവാഹശേഷം ഗോപിനാഥ് മുതുകാടിന്റെ മാജിക് അക്കാദമിയിലെ ഭിന്നശേഷിക്കാരായ കുട്ടികള്‍ക്കൊപ്പമായിരുന്നു വിരുന്ന് സല്‍ക്കാരം. സുരേഷ് ഗോപി, ഗായകന്‍ ജി വേണുഗോപാല്‍ എന്നിവരായിരുന്നു സിനിമാരംഗത്ത് നിന്ന് വിവാഹത്തിന് എത്തിയ പ്രമുഖര്‍.  

2022 ജനുവരിയിലായിരുന്നു ദേവിക നമ്പ്യാരും സംഗീത സംവിധായകനും ഗായകനുമായി വിജയ് മാധവും തമ്മിലുള്ള വിവാഹം. ഗുരുവായൂര്‍ ക്ഷേത്രത്തില്‍ വച്ച് ലളിതമായി നടന്ന ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.  

2022 നവംബറിലായിരുന്നു മഞ്ജിമ മോഹനും തമിഴ് താരം ഗൗതം കാര്‍ത്തിക്കും തമ്മിലുള്ള വിവാഹം. ചെന്നൈയിലെ ഗ്രീന്‍ മിഡോസ് റിസോര്‍ട്ടില്‍ വച്ച് തീര്‍ത്തും സ്വകാര്യമായിരുന്നു ചടങ്ങുകള്‍.  

2022ല്‍ സോഷ്യല്‍മീഡിയയില്‍ തരംഗമായ വിവാഹമായിരുന്നു നയന്‍താര-വിഗ്നേഷ് താരവിവാഹം. നീണ്ട ഏഴു വര്‍ഷത്തെ പ്രണയത്തിനൊടുവില്‍ 2022 ജൂണ്‍ ഒമ്പതിനായിരുന്നു ഇരുവരും വിവാഹിതരായത്. പിന്നാലെ ഒക്ടോബറില്‍ ഇരുവര്‍ക്കും ഇരട്ടക്കുട്ടികള്‍ ജനിച്ചുവെന്ന കാര്യവും താരങ്ങള്‍ ആരാധകരുമായി പങ്കുവെച്ചിരുന്നു. തുടര്‍ന്ന് വലിയ വിവാദങ്ങളായിരുന്നു താരവിവാഹത്തെക്കുറിച്ച് നടന്നത്.  

2022 ഡിസംബര്‍ 8നായിരുന്നു നടന്‍ മണിയന്‍ പിള്ള രാജുവിന്റെ മകനും നടനുമായ നിരഞ്ജിന്റെ വിവാഹം. പാലിയം കൊട്ടാരത്തില്‍ വച്ച് നടന്ന വിവാഹത്തില്‍ മമ്മൂട്ടി, ജയറാം, സുരേഷ് കുമാര്‍ തുടങ്ങി വന്‍താരനിരയായിരുന്നു പങ്കെടുത്തത്.