ഇത് മമ്മൂട്ടിയുടെ കാലം! 2022 മെഗാസ്റ്റാർ സ്വന്തമാക്കിയോ?

മമ്മൂട്ടിയുടെ കരിയറിലെ ഹിറ്റു സിനിമകളിലൊന്നായി മാറിയിരിക്കുകയാണ് 2022ല്‍ റിലീസായ ഭീഷ്മ പര്‍വ്വം. മലയാളത്തിലെ വന്‍താര നിര അണിനിരന്ന ചിത്രം കേരളത്തിനു പുറത്തും വന്‍ തരംഗമായിരുന്നു ഉണ്ടാക്കിയത്. ചിത്രം 100 കോടി ക്ലബിലും ഇടം പിടിച്ചെന്നാണ് റിപ്പോര്‍ട്ടുകള്‍.  

2022ല്‍ പ്രേക്ഷകര്‍ ആകാംക്ഷയോടെ കാത്തിരുന്ന മമ്മൂട്ടി ചിത്രമായിരുന്നു സിബിഐ 5. റിലീസ് ചെയ്ത് ആദ്യ 9 ദിവസങ്ങള്‍ക്കുള്ളില്‍ 17 കോടിയായിരുന്നു ചിത്രം വിദേശ മാര്‍ക്കറ്റുകളില്‍ നിന്നു മാത്രം നേടിയത്. എന്നാല്‍ ചിത്രത്തിന് സമ്മിശ്ര പ്രതികരണമായിരുന്നു പ്രേക്ഷരുടെ ഭാഗത്തു നിന്നും ലഭിച്ചത്.  

മമ്മൂട്ടിയുടെ അതിഗംഭീര പ്രകടനം കൊണ്ട് 2022ല്‍ ശ്രദ്ധിക്കപ്പെട്ട മറ്റൊരു ചിത്രമായിരുന്നു പുഴു. ഒടിടി റീലിസായി എത്തിയ ചിത്രത്തില്‍ മമ്മൂട്ടിയുടെ പ്രകടനം ശ്രദ്ധിക്കപ്പെട്ടെങ്കിലും എല്ലാതരം പ്രേക്ഷകനെയും തൃപ്തിപ്പെടുത്താന്‍ ചിത്രത്തിന് കഴിഞ്ഞിരുന്നില്ല.  

2022ല്‍ പ്രേക്ഷകര്‍ നിരന്തരം ചര്‍ച്ച ചെയ്ത മറ്റൊരു മമ്മൂട്ടി ചിത്രമാണ് റോഷാക്ക്. തുടക്കം മുതല്‍ ഒടുക്കം വരെ പ്രേക്ഷകനെ പിടിച്ചിരുത്തിയ ചിത്രത്തില്‍ എടുത്തു പറയേണ്ടത് മെഗാസ്റ്റാറിന്റെ അസാമാന്യ പ്രകടനം തന്നെയാണ്.