കരീന മാത്രമല്ല ഇവരും സിസേറിയനിലൂടെ കടന്നുപോയ താരസുന്ദരിമാരാണ്

കരീന കപൂറിന്റെ ആദ്യ പ്രസവം സിസേറിയനായിരുന്നു. തൈമുര്‍ ജനിച്ച് ആദ്യത്തെ 14 ദിവസത്തിലധികം കരീനയ്ക്ക് മുലപ്പാല്‍ ഇല്ലായിരുന്നു. തന്റെ രണ്ട് പ്രസവത്തിലും നേരിട്ട ബുദ്ധിമുട്ടുകളെക്കിറിച്ചും വെല്ലുവിളികളെക്കുറിച്ചും 'പ്രഗ്നന്‍സി ബൈബിള്‍' എന്ന തന്റെ പുസ്തകത്തില്‍ കരീന വിശദമായി എഴുതിയിട്ടുണ്ട്‌.

അടുത്തിടെയൊയിരുന്നു ആലിയ ഭട്ട് - രണ്‍ബീര്‍ കപൂര്‍ ദമ്പതികള്‍ക്ക് കുഞ്ഞ് ജനിച്ചത്. സിസേറിയനായിരുന്നു ആലിയയുടെ ആദ്യ പ്രസവമെന്നാണ് റിപ്പോര്‍ട്ടുകള്‍. എന്നാല്‍ ഇക്കാര്യത്തെക്കുറിച്ച് താരകുടുംബം ഇതുവരെ ഔദ്യോഗികമായി ഒന്നും തുറന്നു പറഞ്ഞിട്ടില്ല. മുംബൈയിലെ എച്ച്എന്‍ റിലയന്‍സ് ഫൗണ്ടേഷന്‍ ആശുപത്രിയില്‍ വച്ചായിരുന്നു ആലിയയുടെ പ്രസവം  

കാജോളിന്റെ രണ്ടാമത്തെ പ്രസവം സിസേറിയനായിരുന്നുവെന്നാണ് പുറത്തു വന്ന റിപ്പോര്‍ട്ടുകള്‍. സിനിമയില്‍ തിളങ്ങി നിന്ന സമയത്തായിരുന്നു അജയ് ദേവ്ഗണ്ണുമായുള്ള താരത്തിന്റെ  വിവാഹം. ബോളിവുഡിലെ മാതൃകാ ദമ്പതികളെന്ന് വിളിക്കുന്ന താരങ്ങള്‍ ഹല്‍ചല്‍ എന്ന സിനിമയുടെ സെറ്റില്‍ വച്ചായിരുന്നു ആദ്യമായി പരിചയപ്പെടുന്നത്. തുടര്‍ന്ന് രണ്ട് വര്‍ഷത്തിനുശേഷമായിരുന്നു ഇരുവരും തമ്മില്‍ പ്രണയിച്ചു തുടങ്ങിയത്.  

സിസേറിയനിലൂടെയായിരുന്നു സമീറ റെഡ്ഡിയുടെ രണ്ടാമത്തെ പ്രസവം. ഗര്‍ഭിണിയായ സമയത്ത് പ്ലസന്റ് പ്രെവിയ എന്ന അവസ്ഥ കാരണം അഞ്ചു മാസക്കാലം താരം കട്ടിലില്‍ തന്നെയായിരുന്നു. പിന്നാലെ ശരീരഭാരം 102 കിലോ വരെയായ സമയത്ത് താന്‍ ഡിപ്രഷനിലേക്ക് വീണു പോയെന്നും തെറാപ്പിയിലൂടെയാണ് താന്‍ പഴയ സമീറയാകാന്‍ ശ്രമിച്ചതെന്നും സമീറ പറഞ്ഞിരുന്നു.  

മിറ രജ്പുത്തിന്റെ ആദ്യ പ്രസവവും സിസേറിയനായിരുന്നു എന്നാണ് റിപ്പോര്‍ട്ടുകള്‍. 2015ലായിരുന്നു ഷാഹിദ്  കപൂറും മിറ രജ്പുത്തും തമ്മിലുള്ള വിവാഹം. ബോൡവുഡില്‍ തിളങ്ങി നില്‍ക്കുന്ന സമയത്തായിട്ടും ഷാഹിദിന്റെ വിവാഹത്തിന് അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.