Click it and Unblock the Notifications
നന്പകല് നേരത്ത് മയക്കവും കിംഗ് ഓഫ് കൊത്തയും; 2023ല് പ്രേക്ഷകര് കാത്തിരിക്കുന്ന 7 സിനിമകള്
മമ്മൂട്ടി-ലിജോ ജോസ് പെല്ലിശ്ശേരി കൂട്ടുക്കെട്ടിലെത്തുന്ന നന്പകല് നേരത്ത് മയക്കത്തിനായി സിനിമാപ്രമേികള് കാത്തിരിക്കുകയാണ്. പ്രഖ്യാപനം മുതല് വാര്ത്തകളില് ഇടം പിടിച്ച ചിത്രം 2022ലെ രാജ്യാന്തര ചലച്ചിത്ര മേളയില് പ്രദര്ശിപ്പിക്കുകയും ചെയ്തിരുന്നു. എന്നാല് മേളയിലെ സാങ്കേതിക പ്രശ്നങ്ങള് കാരണം പലര്ക്കും സിനിമ കാണാന് പറ്റിയിരുന്നില്ല. തുടര്ന്ന് വലിയ രീതിയിലുള്ള പ്രതിഷേധവും മേളയില് നടന്നിരുന്നു. അത്രത്തോളം പ്രതീക്ഷയാണ് ചിത്രത്തെക്കുറിച്ച് സിനിമാപ്രേമികള്ക്കുള്ളത്. മലയാള സിനിമയുടെ ചരിത്രത്തില് തന്നെ ഇടം പിടിച്ചേക്കാവുന്ന ചിത്രം ഏറ്റവുമൊടുവിലായി ജനുവരി 19ന് റിലീസ് ചെയ്യുകയാണ്. നന്പകല് നേരത്ത് മയക്കം പോലെ 2023ല് സിനിമാപ്രേമികള് കാത്തിരിക്കുന്ന താരരാജക്കന്മമാരുടെ പ്രധാനപ്പെട്ട ചില സിനിമകളിതാ.
ഉള്ളടക്ക പട്ടിക
ദുല്ഖര് സല്മാനെ നായകനാക്കി അഭിലാഷ് ജോഷി സംവിധാനം ചെയ്ത ചിത്രമാണ് കിംഗ് ഓഫ് കൊത്ത. അഭിലാഷ് എന്.ചന്ദ്രനാണ് ചിത്രത്തിന്റെ തിരക്കഥാകൃത്ത്. ദുല്ഖറിന്റെ നിര്മ്മാണ കമ്പനിയായ വേഫെയറര് ഫിലിംസാണ് ചിത്രം നിര്മ്മിക്കുന്നത്. രണ്ടു കാലഘട്ടങ്ങളിലെ കഥയാണ് ചിത്രം പറയുന്നത്.
മമ്മൂട്ടിയും ലിജോ ജോസ് പെല്ലിശ്ശേരിയും ആദ്യമായി ഒന്നിച്ച ചിത്രമാണ് നന്പകല് നേരത്ത് മയക്കം. രമ്യ പാണ്ഡ്യന്, ടി.സുരേഷ് ബാബു, രാജേഷ് ശര്മ എന്നിവരാണ് ചിത്രത്തിലെ മറ്റു പ്രധാന താരങ്ങള്. എസ്.ഹരീഷാണ് ചിത്രത്തിന്റെ തിരക്കഥ എഴുതിയത്. തേനി ഈശ്വറാണ് ചിത്രത്തിന്റെ ഛായാഗ്രാഹകന്. മലയാളത്തിലും തമിഴിലുമായാണ് ചിത്രം ഒരുക്കിയത്.
യുവതാരം ടൊവീനോ തോമസ് ആദ്യമായി ട്രിപ്പിള് റോളില് എത്തുന്ന ചിത്രമാണ് അജയന്റെ രണ്ടാം മോഷണം. ജിതിന് ലാല് ആണ് ചിത്രം സംവിധാനം ചെയ്യുന്നത്. കളരിക്ക് ഏറെ പ്രധാന്യം നല്കുന്ന ചിത്രം 1900,1950,1990 എന്നീ കാലഘട്ടങ്ങളിലൂടെയാണ് കഥ പറയുന്നത്. മൂന്ന് തലമുറയില്പ്പെട്ട കഥാപാത്രങ്ങളെയാണ് ടൊവീനോ ചിത്രത്തില് അവതരിപ്പിക്കുന്നത്.
മമ്മൂട്ടി, ജ്യോതിക എന്നിവരെ പ്രധാന കഥാപാത്രങ്ങളാക്കി ജിയോ ബേബി സംവിധാനം ചെയ്യുന്ന ചിത്രമാണ് കാതല്. മമ്മൂട്ടി കമ്പനിയാണ് ചിത്രം നിര്മ്മിക്കുന്നത്. ചിന്നു ചാന്ദിനി, സുധി കോഴിക്കോട്, ലാലു അലക്സ്, മുത്തുമണി, അനഘ അക്കു, ജോസി സിജോ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ദുൽഖർ സൽമാന്റെ വേഫേറെർ ഫിലിംസ് ആണ് ചിത്രത്തിന്റെ വിതരണം നിർവഹിക്കുന്നത്.
മലയാളത്തിന്റെ പ്രിയതാരം മോഹന്ലാല് ആദ്യമായി സംവിധായകനാവുന്ന ചിത്രമാണ് ബറോസ്. ഇന്ത്യയിലെ ആദ്യ ത്രീഡി ചിത്രമായ മൈ ഡിയര് കുട്ടിച്ചാത്തന് എന്ന ചിത്രത്തെ ആസ്പദമാക്കിയാണ് സിനിമയൊരുങ്ങുന്നത്. 'ബറോസ്സ് ഗാഡിയന് ഓഫ് ഡി ഗാമാസ് ട്രഷര്' എന്ന പേരില് ജിജോ ഇംഗ്ലീഷില് എഴുതിയ കഥയാണ് സിനിമയാവുന്നത്. സ്പനാഷ് നടി പാസ് വേഗ,സ്പാനിഷ് നടന് റഫേല് അമാര്ഗോ തുടങ്ങിയവരാണ് ചിത്രത്തില് മറ്റു പ്രധാന വേഷങ്ങളിലെത്തുന്നത്.
മോഹന്ലാല്-പൃഥ്വിരാജ് കൂട്ടുകെട്ടില് പുറത്തിറങ്ങിയ സൂപ്പര്ഹിറ്റ് ചിത്രം ലൂസിഫറിന്റെ രണ്ടാംഭാഗമാണ് എമ്പുരാന്. പ്രഖ്യാപനം മുതല് സിനിമാപ്രേമികള് ആകാംക്ഷയോടെ കാത്തിരിക്കുന്ന ചിത്രത്തിന്റെ ഷൂട്ടിങ്ങ് 2023ന്റെ പകുതിയോടെയാണ് ആരംഭിക്കുന്നത്.
മമ്മൂട്ടി നായകനായി 2007-ൽ പുറത്തിറങ്ങിയ സൂപ്പർ ഹിറ്റ് ചിത്രമായ ബിഗ് ബി യുടെ രണ്ടാം ഭാഗമാണ് ബിഗ് ബി 2. ദുല്ഖര് സല്മാനായിരുന്നു ചിത്രത്തിന്റെ പ്രഖ്യാപന പോസ്റ്റര് പുറത്തു വിട്ടിരുന്നത്.ബിലാലിന്റെ രണ്ടാം വരവ് വലിയ അഘോഷത്തോടെയായിരുന്നു സിനിമാ ലോകം വരവേറ്റത്.നേരത്തെ സംഗീത സംവിധായകന് ഗോപി സുന്ദറിന്റെ ഫേസ്ബുക്ക് കുറിപ്പില് ബിഗ് ബി ആദ്യ ഭാഗത്തിലെ അതേ ആളുകള് തന്നെ രണ്ടാംഭാഗത്തിലും വരുന്നുവെന്ന് കുറിച്ചിരുന്നു.
Continue with Google