താണ്ടിയ ദൂരം ചില്ലറയല്ല! സൂപ്പർ താരങ്ങളാകും മുമ്പേ താരസുന്ദരിമാരുടെ പ്രതിഫലം

തമിഴന്‍ എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ച പ്രിയങ്ക ചോപ്ര മോഡിലിങ്ങിലൂടെയാണ് സിനിമയിലെത്തിയത്. ലോകസുന്ദരിപട്ടം നേടിയ പ്രിയങ്കയ്ക്ക് 5000 രൂപയായിരുന്നു ആദ്യത്തെ ഫോട്ടോഷൂട്ടിന് പ്രതിഫമായി ലഭിച്ചിരുന്നത്.

ആര്‍ക്കിട്ടെക്ചര്‍ പഠനത്തിനിടെയായിരുന്നു ഐശ്വര്യ റായി മോഡലിങ്ങും ചെയ്തു തുടങ്ങിയത്. തുടര്‍ന്ന് 1994ല്‍ മിസ് വേള്‍ഡ് മത്സരത്തില്‍ പങ്കെടുക്കുകയും മിസ് വേള്‍ഡ് പുരസ്‌ക്കാരം സ്വന്തമാക്കുകയും ചെയ്തിരുന്നു. മോഡലിങ്ങിലൂടെ കരിയര്‍ ആരംഭിച്ച താരത്തിന് ആദ്യത്തെ മോഡലിങ്ങ് ഫോട്ടോഷൂട്ടിന് 1500 രൂപയായിരുന്നു പ്രതിഫലമായി ലഭിച്ചിരുന്നത്.  

മോഡലിങ്ങിലൂടെ കരിയര്‍ ആരംഭിച്ച ബോളിവുഡ് നടിയാണ് അനുഷ്‌ക ശര്‍മ. ഇന്ന് 225 കോടിയുടെ ആസ്തിയുള്ള താരത്തിന് ആദ്യത്തെ മോഡലിങ്ങ് ഫോട്ടോഷൂട്ടിന് 4000 രൂപയാണ് പ്രതിഫലമായി ലഭിച്ചിരുന്നത്.

കന്നഡ ചിത്രം ഐശ്വര്യയിലൂടെയായിരുന്നു ദീപിക പദുക്കോണിന്റെ സിനിമാ അരങ്ങേറ്റം. മോഡലിങ്ങിലൂടെയായിരുന്നു ദീപികയുടെ കരിയര്‍ ആരംഭിച്ചത്. ആദ്യത്തെ ഫോട്ടോഷൂട്ടിന്‌ 2000 രൂപയാണ് താരത്തിന് പ്രതിഫലമായി ലഭിച്ചത്.

കോളേജ് പഠനകാലത്ത് തന്നെ മോഡലിങ്ങ് ചെയ്തു തുടങ്ങിയ താരമാണ് ബിപാഷ ബസു. ആദ്യത്തെ ഫോട്ടോഷൂട്ടിന് 1000- 1500 രൂപയായിരുന്നു താരത്തിന് പ്രതിഫലമായി ലഭിച്ചിരുന്നത്.