വാദിച്ച് കയറിയ 2022; പോയ വർഷത്തെ കോർട്ട് റൂം ഡ്രാമകള്‍

പൃഥ്വിരാജ് സുകുമാരന്‍, സുരാജ് വെഞ്ഞാറമൂട് എന്നിവരെ പ്രധാന കഥാപാത്രങ്ങളാക്കി ഡിജോ ജോസ് ആന്റണി സംവിധാനം ചെയ്ത ചിത്രമാണ് ജന ഗണ മന. പൃഥ്വിരാജ് അഭിഭാഷകന്റെ വേഷത്തിലെത്തിയ ചിത്രത്തിന് മികച്ച പ്രതികരണമായിരുന്നു പ്രേക്ഷകരുടെ ഭാഗത്തു നിന്നും ലഭിച്ചത്‌.  

2022ലെ കണ്ടിരിക്കേണ്ട സിനിമകളിലൊന്നാണ് വിനീത് ശ്രീനിവാസന്‍ പ്രധാന കഥാപാത്രമായി എത്തിയ മുകുന്ദന്‍ ഉണ്ണി അസോസിയേറ്റസ്. തിരക്കഥയിലും അവതരണരീതിയിലും വേറിട്ടു നിന്ന സിനിമ വിനീതിന്റെ കരിയറിലെ മികച്ച സിനിമകളിലൊന്നു കൂടിയാണ്‌.    

2022ലെ സൂപ്പര്‍ഹിറ്റ് സിനിമകളിലൊന്നാണ് രതീഷ് ബാലകൃഷ്ണ പൊതുവാള്‍ സംവിധാനം ചെയ്ത ന്നാ,താന്‍ കേസ് കൊട്. മികച്ച കാസ്റ്റിങ്ങും തിരക്കഥയും, മേക്കിങ്ങും എല്ലാംകൊണ്ടും പ്രേക്ഷകനെ തൃപ്തിപ്പെടുത്തിയ ചിത്രം ഒരു സറ്റയര്‍ രീതിയിലാണ് ഒരുക്കിയിരിക്കുന്നത്.  

ടൊവീനോ തോമസ്, കീര്‍ത്തി സുരേഷ് എന്നിവരെ പ്രധാന കഥാപാത്രങ്ങളാക്കി വിഷ്ണു ജി രാഘവ് സംവിധാനം ചെയ്ത ചിത്രമാണ് വാശി. ഒരു മുഴു നീള കോര്‍ട്ട് റൂം ഡ്രാമയല്ലെങ്കിലും ചിത്രത്തിന്റെ ഭൂരിഭാഗവും കോടതിക്കുള്ളിലാണ് നടക്കുന്നത്.  

ആസിഫ് അലി, നിവിന്‍ പോളി എന്നിവരെ പ്രധാന കഥാപാത്രങ്ങളാക്കി എബ്രിഡ് ഷൈന്‍ സംവിധാനം ചെയ്ത ചിത്രമാണ് മഹാവീര്യര്‍. എം മുകുന്ദന്റെതാണ് തിരക്കഥ. കോടതിയിലെ നിയമ വ്യവഹാരങ്ങളുടെ പശ്ചാത്തലത്തില്‍ കഥ പറയുന്ന ചിത്രത്തില്‍ ടൈം ട്രാവലും ഫാന്‍റസിയുമൊക്കെ കടന്നുവരുന്നുണ്ട്.

2022ലെ മികച്ച സിനിമകളിലൊന്നാണ് തരുണ്‍ മൂര്‍ത്തി സംവിധാനം ചെയ്ത സൗദി വെള്ളക്ക. ആകസ്മികയമായി ഒരു കേസില്‍പെട്ട ഐഷ റാവുത്തര്‍ എന്ന വൃദ്ധയുടെ ജീവിതത്തിലൂടെ കഥ പറഞ്ഞ ചിത്രം പ്രേക്ഷകന്റെ ഹൃദയത്തിലാണ് ആഴ്ന്നിറങ്ങിയത്.