എബ്രിഡ് ഷൈന്‍

ഫാഷന്‍ ഫോട്ടോഗ്രാഫര്‍, തിരക്കഥാകൃത്ത്, സംവിധായകന്‍ എന്നീ നിലകളില്‍ പ്രശസ്തനാണ് എബ്രിഡ് ഷൈന്‍. 2014ല്‍ പുറത്തിറങ്ങിയ '1983' ആണ് ആദ്യമായി സംവിധാനം ചെയ്ത ചിത്രം. നിവിന്‍ പോളി നായകനായ ഈ ചിത്രം വന്‍ വിജയമായിരുന്നു. 

തുടര്‍ന്ന് 2016ല്‍ 'ആക്ഷന്‍ ഹീറോ ബിജു' എന്ന ചിത്രം സംവിധാനം ചെയ്തു. നിവിന്‍ പോളിയായിരുന്നു ചിത്രത്തിലെ നായകന്‍. പിന്നീട് 2018ല്‍ കാളിദാസ് ജയറാമിനെ നായകനാക്കി 'പൂമരം' എന്ന ചിത്രം സംവിധാനം ചെയ്തു.

2020ല്‍ സംവിധാനം ചെയ്ത 'ദി കുങ്ഫു മാസ്റ്റര്‍' അധികം ശ്രദ്ധിക്കപ്പെടാതെ പോയ ചിത്രമാണ്. നീത പിള്ള, ജിജി സക്കറിയ എന്നിവരായിരുന്നു ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.

ഈ ചിത്രത്തിനുശേഷം നിവിന്‍ പോളി, ആസിഫ് അലി എന്നിവരെ പ്രധാന കഥാപാത്രങ്ങളാക്കി 'മഹാവീര്യര്‍' എന്ന ചിത്രം സംവിധാനം ചെയ്തു.