ആര്യ

തമിഴ് ചലച്ചിത്ര രംഗത്തെ ഒരു യുവ നടനാണ്‌ ആര്യ. 1980 ഡിസംബർ 11-ന്‌ കേരളത്തിലെ കാസർഗോഡ് ജില്ലയിലെ തൃക്കരിപ്പൂരിൽ ജനിച്ചു. 'ഉള്ളം കേക്കുമേ' എന്ന ചിത്രത്തിലൂടെയാണ് ആര്യ തമിഴകത്ത്‌ അരങ്ങേറ്റം കുറിക്കുന്നത്. 'അറിന്തും അറിയാമലും' ആണ്‌ ആദ്യം റിലീസായ ചിത്രം. പറ്റിയൽ (2006), നാൻ കടവുൾ (2009), മദ്രാസപ്പട്ടിണം (2010), ബോസ്‌ എങ്കിറ ബാസ്‌കരൻ (2010) തുടങ്ങി ഇരുപതിലധികം തമിഴ്‌ ചിത്രങ്ങളിൽ അഭിനയിച്ചു. ലിജോ ജോസ് പള്ളിശേരി സംവിധാനം ചെയ്യുന്ന "ഡബിൾ ബാരൽ" എന്ന ചിത്രത്തിലൂടെ മലയാളത്തിൽ അരങ്ങേറ്റം കുറിക്കാനുള്ള തയ്യാറെടുപ്പിലാണ് ആര്യ ഇപ്പോൾ.