ഓഗസ്റ്റ് സിനിമ

പ്രശസ്ത സിനിമാ നിര്‍മ്മാണകമ്പനിയാണ് ഓഗസ്ത് സിനിമ. 2011ല്‍ ബിഗ് ബജറ്റ് ചിത്രമായ ഉരറുമിയാണ് ഓഗസ്ത് സിനിമാ കമ്പനിയുടെ ആദ്യ നിര്‍മ്മാണ സംരംഭം. സന്തോഷ് ശിവനായിരുന്നു ചിത്രത്തിന്റെ സംവിധായകന്‍. രഞ്ജിത്ത് സംവിധാനം ചെയ്ത ഇന്ത്യന്‍ റുപ്പിയായിരുന്നു ഓഗസ്ത സിനിമയുടെ രണ്ടാമത്തെ ചിത്രം. സംസ്ഥാന അവാര്‍ഡ് നേടിയ ചിത്രത്തില്‍ പൃഥിരാജായിരുന്നു നായകന്‍. ബോക്‌സോഫീസില്‍ മികച്ച കലക്ഷനാണ് ചിത്രം നേടിയത്. രഞ്ജിത്ത് തന്നെ സംവിധാനം ചെയ്ത മമ്മൂട്ടി നായകനായ കടല്‍ കടന്നൊരു മാത്തുക്കുട്ടിയായിരുന്നു മൂന്നാമത്തെ ചിത്രം. സിനിമ തിയറ്ററില്‍ പ്രതീക്ഷിച്ച പ്രതികരണം ഉണ്ടാക്കിയില്ലെങ്കിലും സാറ്റ്‌ലൈറ്റ് റൈറ്റിലൂടെ നല്ലൊരു തുക കരസ്ഥമാക്കിയരുന്നു. സപ്തപശ്രീ തസ്‌കര ആയിരുന്നു ഓഗസ്ത സിനിമയുടെ നാലാമത്തെ ചിത്രം. ഓണത്തിന് റിലീസ് ചെയ്ത ചിത്രം സാമാന്യം നല്ല കലക്ഷനാണ് നേടിയത്. ഡബിള്‍ ബാരല്‍, ഡാര്‍വിന്റെ പരിണാമം, അനുരാഗ കരിക്കിന്‍ വെള്ളം, ദ ഗ്രേറ്റ് ഫാദര്‍ എന്നിവയാണ് ഓഗസ്ത് സിനിമ നിര്‍മ്മിച്ച മറ്റു ചിത്രങ്ങള്‍.