ഭാരതി വിഷ്ണുവർദ്ധൻ

ഇന്ത്യന്‍ ചലച്ചിത്ര നടിയാണ് ഭാരതി. 1950 ആഗസ്ത് 15ന് കര്‍ണാടകയിലെ മൈസൂരില്‍ ജനിച്ചു. മൈസൂര്‍ മഹാറാണി കോളേജില്‍ നിന്നും ബിരദം നേടി. ലൗ ഇന്‍ ബാംഗ്ലൂര്‍ എന്ന ചിത്രത്തിലാണ് ആദ്യമായി അഭിനയിക്കുന്നത്. ശ്രീകൃഷ്ണദേവരായ എന്ന ചലച്ചിത്രത്തിലെ അഭിനയത്തിന് മികച്ച നടിക്കുള്ള കര്‍ണാടക സംസ്ഥാന ചലച്ചിത്ര പുരസ്‌ക്കാരം ലഭിച്ചിട്ടുണ്ട്. 1960മുതല്‍ 80 വരെ കന്നട സിനിമകളില്‍ സജീവമായിരുന്നു. തെലുങ്ക്, മലയാളം, കന്നട, തമിഴ് ഭാഷകളിലായി നിരവധി ചിത്രങ്ങളില്‍ അഭിനയിച്ചിട്ടുണ്ട്. പഠിച്ച കള്ളന്‍, ഉപ്പ്, സാന്ത്വനം, ദേവാസുരം, വര്‍ണപകിട്ട്, കരുമാടികുട്ടന്‍, മഴത്തുള്ളികിലുക്കം, ഫോട്ടാഗ്രാഫര്‍ എന്നിവ അഭിനയിച്ച മലയാള ചിത്രങ്ങളില്‍ പ്രധാനപെട്ടവയാണ്. 1975 ഫെബ്രുവരി 27ന് കന്നട താരമായ വിഷ്ണുവര്‍ദനെ വിവാഹം ചെയ്തു.2009ല്‍ ഭര്‍ത്താവ് അന്തരിച്ചു.