കൃഷ്ണജിത്ത് എസ് വിജയന്‍

ജീവചരിത്രം:  മലയാള ചലച്ചിത്ര സംവിധായകനാണ് കൃഷ്ണജിത്ത് എസ് വിജയന്‍. 2014ല്‍ പ്രദര്‍ശനത്തിനെത്തിയ 'ഫഌറ്റ് നമ്പര്‍ 4 ബി' ആണ് സംവിധാനം നിര്‍വ്വഹിച്ച ആദ്യ ചിത്രം. റിയാസ് എം ടി തിരക്കഥ രചിച്ച ചിത്രത്തില്‍ സ്വര്‍ണ്ണ തോമസ്, ഇന്ദ്രന്‍സ്, ലക്ഷ്മി ശര്‍മ്മ, കലാശാല ബാബു എന്നിവരായിരുന്നു പ്രധാന അഭിനേതാക്കള്‍. കൗടില്യ ഫിലിംസിന്റെ ബാനറിലാണ് ചിത്രം നിര്‍മ്മിച്ചത്. ഈ ചിത്രത്തിനുശേഷം 2018ല്‍ 'ഡെഡ്‌ലൈന്‍' എന്ന ചിത്രം തിരക്കഥയെഴുതി സംവിധാനം ചെയ്യ്തു. അഞ്ജന അപ്പുക്കുട്ടന്‍, സുനില്‍ സുഖദ, കലാശാല ബാബു, ശശി കലിംഗ എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. വൈറ്റ് ഡോട്‌സ് മൂവിസിന്റെ ബാനറില്‍ ഫിലോപ്പോസ് തത്തംപ്പള്ളിയാണ് ചിത്രം നിര്‍മ്മിച്ചത്.