കുക്കു സുരേന്ദ്രൻ

ജീവചരിത്രം:  മലയാളചലച്ചിത്ര സംവിധായകനാണ് സുബില്‍ സുരേന്ദ്രന്‍. ചലച്ചിത്രരംഗത്ത് കുക്കു സുരേന്ദ്രന്‍ എന്ന പേരിലാണ് അറിയപെടുന്നത്. 2007ല്‍ പൃഥ്വിരാജ്, മുരളി, ജഗതി ശ്രീകുമാര്‍, മാടമ്പ് കുഞ്ഞുകുട്ടന്‍ എന്നിവരെ കേന്ദ്രകഥാപാത്രങ്ങളാക്കി വീരാളിപട്ട് എന്ന ചിത്രം സംവിധാനം ചെയ്തു. ഓപ്പണ്‍ ചാനല്‍ പ്രൊഡക്ഷന്‍സിന്റെ ബാനറില്‍ സുനില്‍  സുരേന്ദ്രനാണ് ചിത്രം നിര്‍മ്മിച്ചത്. 2010ല്‍ റോബിന്‍ തിരുമലയുടെ തിരക്കഥയില്‍ റേസ് എന്ന ചിത്രം സംവിധാനം ചെയ്തു. കുഞ്ചാക്കോ ബോബന്‍, മംമ്ത മോഹന്‍ദാസ്, ഇന്ദ്രജിത്ത് സുകുമാരന്‍, ജഗതി ശ്രീകുമാര്‍ എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. 2015ല്‍ ശങ്കര്‍ രാമകൃഷ്ണയുടെ തിരക്കഥയില്‍ എന്റെ സത്യാന്വേക്ഷണ പരീക്ഷകള്‍ എന്ന ചിത്രം സംവിധാനം ചെയ്തു. റഹ്മാന്‍, സുരാജ് വെഞ്ഞാറമൂട്, ശങ്കര്‍ രാമകൃഷ്ണന്‍, അപര്‍ണ്ണ ഗോപിനാഥ് എന്നിവരായിരുന്നു ചിത്രത്തിലെ പ്രധാന അഭിനേതാക്കള്‍. 2017ല്‍ ഗൗതമി, അഞ്ജലി അനീഷ്, ആഷീഖ് അമീര്‍ എന്നിവരെ പ്രധാന കഥാപാത്രങ്ങളാക്കി ഇ എന്ന ചിത്രം സംവിധാനം ചെയ്തു.