പി പത്മരാജൻ
Born on 23 May 1945 (Age 78) Alappuzha, kerala
പി പത്മരാജൻ ജീവചരിത്രം
മലയാള ചലച്ചിത്ര സംവിധായകന്, തിരക്കഥാകൃത്ത്, സാഹിത്യകാരന് എന്നീ മേഖലകളിലെല്ലാം പ്രശസ്തനാണ് പി പത്മരാജന്. 1945 മേയ് 23ന് ആലപ്പുഴ ജില്ലയിലെ ഹരിപ്പാടില് ജനിച്ചു. തുണ്ടത്തില് അനന്തപത്മനാഭപിള്ളയുടെയും ഞവരക്കല് ദേവകിയമ്മയുടെയും ആറാമത്തെ മകനാണ്. മുതുകുളം സ്കൂളില് നിന്നാണ് പ്രാഥമിക വിദ്യാഭ്യാസം നേടിയത്. തിരുവനന്തപുരത്തെ എംജി കോളേജില് നിന്നും കെമിസ്ട്രിയില് ബിരിദ്ധം കരസ്ഥമാക്കി. മുതുക്കുളം അച്ചുതവാര്യരുടെ അടുത്തു നിന്നും സംസ്കൃതം പഠിച്ചു.
1965 ല് ആള് ഇന്ത്യ റേഡിയോയില് തൃശ്ശൂരില് പ്രോഗ്രാം അനൗസര് ആയി ജോലിയില് പ്രവേശിച്ചു. പിന്നീടാണ് സിനിമയുടെ ലോകത്തേക്ക് വരുന്നത്. ഒരിടത്തൊരു ഫയല്വാന്, അരപ്പട്ട കെട്ടിയ ഗ്രാമത്തില്, നമുക്കു പാര്ക്കാന് മുന്തിരിത്തോപ്പുകള്, തൂവാനത്തുമ്പികള്, മൂന്നാം പക്കം, ഞാന് ഗന്ധര്വ്വന്, എന്നീ ചിത്രങ്ങള് അദ്ദേഹത്തിന്റെ എക്കാലത്തെയും സൂപ്പര് ഹിറ്റുകളാണ്. മനുഷ്യന്റെ എല്ലാ വികാരതലങ്ങളും അദ്ദേഹത്തിന്റെ എഴുത്തില് പടര്ന്നിരുന്നു.മലയാള സാഹിത്യത്തില് വലിയ സംഭാവനകള് നല്കി.
ഭരതന്റേയും കെ.ജി.ജോർജ്ജിന്റെയും കൂടെ മലയാളസിനിമയുടെ വളർച്ചയ്ക്കായി ഒരു സിനിമാ വിദ്യാലയം പത്മരാജൻ തുടങ്ങുകയുണ്ടായി. ഇത് കലാ സിനിമയേയും, വാണിജ്യ സിനിമയേയും ഒരു പോലെ പ്രോത്സാഹിപ്പിക്കാനുള്ളതായിരുന്നു.ഭരതനുമായി ചേർന്ന് പത്മരാജൻ പ്രവർത്തിച്ചിട്ടുള്ള സിനിമകളെല്ലാം സമാന്തര സിനിമയുടെയും വാണിജ്യസിനിമയുടെയും ഇടയിൽ നിൽക്കുന്നത് എന്ന അർഥത്തിൽ മധ്യവർത്തി സിനിമ എന്ന് അറിയപ്പെടുന്നു. ലൈംഗികതയെ അശ്ലീലമായല്ലാതെ കാണിക്കുവാനുള്ള ഒരു കഴിവ് ഇരുവർക്കുമുണ്ടായിരുന്നു. 36 ചലച്ചിത്രങ്ങൾക്ക് തിരക്കഥയെഴുതിയ പത്മരാജൻ 18 ചലച്ചിത്രങ്ങൾ സംവിധാനം ചെയ്തു.
1972 ല് നക്ഷത്രങ്ങളെ കാവല് എന്ന കൃതിക്ക് കേരള സാഹിത്യ അക്കാദമി അവാര്ഡ് ലഭിച്ചു. വാടകയ്ക്കൊരു ഹൃദയം, ഇതാ ഇവിടെ വരെ, ശവവാഹനങ്ങളും തേടി, ഉദകപ്പോള, മഞ്ഞുകാലം നോറ്റ കുതിര, പ്രതിമയും രാജകുമാരിയും എന്നിവി മലയാള സാഹിത്യത്തിലെ പേരുകേട്ട നോവലുകളായിരുന്നു. രാധാലക്ഷ്മിയാണ് ഭാര്യ.അനന്തപത്മനാഭന്, മാധവിക്കുട്ടി എന്നിവര് മക്കളാണ്.1991 ജനുവരി 24 നാണ് മരണം.
ഞാൻ ഗന്ധർവ്വൻ എന്ന തന്റെ ചിത്രത്തിന്റെ പ്രിവ്യൂ കാണാനായി കോഴിക്കോട്ടെത്തിയ ത്മരാജനെ 1991 ജനുവരി 24-ആം തീയതി രാവിലെ അവിടുത്തെ ഹോട്ടൽ മുറിയിൽ മരിച്ച നിലയിൽ കണ്ടെത്തുകയായിരുന്നു. 46 വയസ്സേ അദ്ദേഹത്തിനുണ്ടായിരുന്നുള്ളൂ. ഉറക്കത്തിലുണ്ടായ ഹൃദയസ്തംഭനമായിരുന്നു മരണകാരണം.
ബന്ധപ്പെട്ട വാര്ത്ത