രവി വര്‍മന്‍

ജീവചരിത്രം:  പ്രശസ്ത ഛായാഗ്രാഹകനാണ് രവി വര്‍മന്‍. 1999ല്‍ ടി കെ രാജീവ് കുമാര്‍ സംവിധാനം ചെയ്ത ജലമര്‍മരം എന്ന ചിത്രത്തിലൂടെയാണ് സ്വതന്ത്ര ഛായാഗ്രാഹകനാവുന്നത്. തുടര്‍ന്ന് റാഫി മെക്കാര്‍ട്ടിന്‍ സംവിധാനം ചെയ്ത സത്യം ശിവം സുന്ദരം എന്ന ചിത്രത്തിന്റെ ഛായാഗ്രഹണം നിര്‍വ്വഹിച്ചു. ജയരാജ് സംവിധാനം ചെയ്ത ശാന്തം എന്ന ചിത്രത്തിലൂടെയാണ് ചലച്ചിത്രരംഗത്ത് ശ്രദ്ധിക്കപ്പെടുന്നത്. തുടര്‍ന്ന് ഷാജി കൈലാസിന്റെ വല്യേട്ടന്‍,വക്കാലത്തു നാരായണന്‍കുട്ടി എന്നീ ചിത്രങ്ങളുടെ ഛായാഗ്രാഹകനായി. മലയാളത്തിനു പുറമെ തമിഴ്,തെലുങ്ക്,കന്നഡ,ഹിന്ദി ഭാഷാ ചിത്രങ്ങളിലും അദ്ധേഹം തന്റെ കഴിവ് തെളിയിച്ചു. മോസ്‌കോവില്‍ കാവേരി എന്ന ചിത്രം സംവിധാനം ചെയ്ത രവി വര്‍മന്‍ പരസ്യ ചിത്രങ്ങള്‍,ഡോക്യുമെന്ററികള്‍,സംഗീത ആല്‍ബങ്ങള്‍ എന്നിവയ്ക്കും ക്യാമറ ചലിപ്പിച്ചിട്ടുണ്ട്.