ടി കെ രാജീവ് കുമാർ

ജീവചരിത്രം:  പ്രശസ്ത മലയാളചലച്ചിത്ര സം‌വിധായകനാണ് ടി കെ രാജീവ് കുമാർ. കേരളസംസ്ഥാന ചലച്ചിത്രപുരസ്കാരവും, ദേശീയ ചലച്ചിത്രപുരസ്കാരവും ഇദ്ദേഹത്തിന് ലഭിച്ചിട്ടുണ്ട്. 2003 മുതൽ 2006 വരെ കേരളസംസ്ഥാന ചലച്ചിത്ര അക്കാദമിയുടെ ചെയർമാനായിരുന്നു. ഇൻറർനാഷണൽ ഫിലിം ഫെസ്റ്റിവൽ ഓഫ് കേരളയുടെ അദ്ധ്യക്ഷൻ കൂടിയാണ് ഇദ്ദേഹം. തിരുവനന്തപുരത്തുള്ള യൂണിവേഴ്സിറ്റി കോളേജിൽ നിന്ന് ബിരുദ പഠനം പൂർത്തിയാക്കിയതിനുശേഷം സ്റ്റേറ്റ് ബാങ്ക് ഓഫ് ട്രാവൻകൂറിൽ ജോലിയിൽ പ്രവേശിച്ചു.  നവോദയ അപ്പച്ചൻ നിർമ്മിച്ച് 1984-ൽ പുറത്തിറങ്ങിയ മൈ ഡിയർ കുട്ടിച്ചാത്തൻ എന്ന ഇന്ത്യയിലെ ആദ്യ 3 ഡി സിനിമയുടെ സം‌വിധായകനായിരുന്ന ജിജോ പുന്നൂസിന്റെ കൂടെ സഹസം‌വിധായകനായാണ് രാജീവ് കുമാർ ആദ്യമായി സിനിമയിലെത്തുന്നത്. കമൽ ഹാസ്സൻ നായകനായ ചാണക്യൻ (1989) ആണ് അദ്ദേഹം ആദ്യമായി സം‌വിധാനം ചെയ്ത ചിത്രം. ഈ ചിത്രം വൻ സാമ്പത്തിക വിജയം നേടിയിരുന്നു.