ഷാന്‍ റഹ്മാന്‍ ജീവചരിത്രം

നിരവധി ഹിറ്റു ഗാനങ്ങളിലൂടെ പ്രേക്ഷകരുടെ ഹൃദയത്തില്‍ ഇടം നേടിയ സംഗീത സംവിധായകനാണ് ഷാന്‍ റഹ്മാന്‍. 2012ല്‍ പ്രദര്‍ശനത്തിനെത്തിയ തട്ടത്തിന്‍ മറയത്ത് എന്ന ചിത്രത്തിലെ ഗാനങ്ങളാണ് ചലച്ചിത്രരംഗത്ത് ഷാനിനെ പ്രശസ്തനാക്കുന്നത്. ചിത്രത്തിലെ അനുരാഗത്തിന്‍ വേളയില്‍ എന്ന ഗാനം ഇന്നും മികച്ച ഗാനങ്ങളില്‍ ഒന്നാണ്. ഗോദയിലെ കണ്ണഞ്ചുന്നൊരു, ആന്‍ മരിയ കലിപ്പിലാണ് എന്ന ചിത്രത്തിലെ  കുറുമ്പത്തി ചുന്ദരി നീ, ഒരു വടക്കന്‍ സെല്‍ഫിയിലെ കൈക്കോട്ടും കണ്ടിട്ടില്ല, ആട് 2വിലെ ചങ്ങാതി നന്നായാല്‍, വെളിപാടിന്റെ പുസ്തകത്തിലെ ജിമിക്കി കമ്മല്‍, 2018ല്‍ പ്രദര്‍ശനത്തിനെത്തിയ ഒരു അഡാര്‍ ലവിലെ ഗാനം എന്നിവ സംഗീതം ചെയ്ത പാട്ടുകളില്‍ മികച്ചു നില്‍ക്കുന്നവയാണ്. ടെലിവിഷന്‍ സംഗീത പരിപാടികളിലെ വിധികര്‍ത്താവു കൂടിയാണ് ഷാന്‍.