ഷാജൂണ്‍ കാര്യാല്‍

ജീവചരിത്രം:  ചലച്ചിത്ര സംവിധായകന്‍, നിര്‍മ്മാതാവ് എന്നീ നിലകളില്‍  പ്രശസ്തനാണ് ഷാജൂണ്‍ കാര്യല്‍. സഹസംവിധായകനായാണ് ചലച്ചിത്രജീവിതം ആരംഭിക്കുന്നത്. പ്രശസ്ത സംവിധായകന്‍ ഐ വി ശശി സംവിധാനം ചെയ്ത അര്‍ഹത, വര്‍ത്തമാനകാലം, 1921, ഉയരങ്ങളില്‍, ആവനാഴി, അനുബന്ധം, കരിമ്പിന്‍ പൂവിനക്കര എന്നീ ചിത്രങ്ങളില്‍ സഹസംവിധായകനായി പ്രവര്‍ത്തിച്ചിട്ടുണ്ട്. 1996ല്‍ രഞ്ജിത്തിന്റെ തിരക്കഥയില്‍ രജപുത്രന്‍ എന്ന ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനായി. 1999ല്‍ മമ്മൂട്ടിയെ നായകനാക്കി തച്ചിലേടത്ത് ചുണ്ടന്‍ എന്ന ചിത്രം സംവിധാനം ചെയ്തു. ഡ്രീംസ്, സായ്വര്‍ തിരുമേനി, വടക്കുംനാഥന്‍, ചേട്ടായീസ്, സര്‍ സി പി എന്നിവയാണ് സംവിധാനം ചെയ്ത മറ്റു ചിത്രങ്ങള്‍. സംവിധാനത്തിനുപുറമെ സാള്‍ട്ട് മാംഗോ ട്രീ, ചേട്ടായീസ് എന്നീ ചിത്രങ്ങള്‍ നിര്‍മ്മിച്ചിട്ടുണ്ട്.