വിനീത കോശി
Born on kollam
വിനീത കോശി ജീവചരിത്രം
മൊബൈല് ആപ്പായ ഡബ്സ്മാഷ് വഴിയാണ് വിനീത കോശി ചലച്ചിത്രരംഗത്തേക്ക് പ്രവേശിക്കുന്നത്.കൊല്ലം സ്വദേശിയായ വിനീത പഠിക്കുന്ന സമയത്ത് സ്ക്കിറ്റും, ഡാന്സുമൊക്കെ ചെയ്യുമായിരുന്നു.ഒരു കൗതുകത്തിനാണ് ഡബ്സ്മാഷ് ചെയ്യാന് തുടങ്ങിയത്.ആ വീഡിയോസൊക്കെ വാട്സപ്പിലൂടെ സുഹൃത്തുക്കള്ക്ക് അയച്ചുകൊടുത്തു. അവരുടെ ഭാഗത്തുനിന്നും നല്ല പ്രതികരണങ്ങള് ലഭിച്ചതോടെ യൂടുബിലൊരു ചാനല് തുടങ്ങി വീഡിയോസ് അപ് ലോഡ് ചെയ്യാന് തുടങ്ങി.
ഈ വീഡിയോസ് ശ്രദ്ധയില്പെട്ടിട്ടാണ് വിനീത് ശ്രാനിവാസന് ആനന്ദം എന്ന ചിത്രത്തിലേക്ക് അഭിനയിക്കാന് വിളിക്കുന്നത്.ആനന്ദം എന്ന ചിത്രത്തിലെ ലവ്ലി ടീച്ചര് എന്ന കഥാപാത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്.ശ്രീകാന്ത് മുരളി സംവിധാനം ചെയ്ത എബി എന്ന ചിത്രത്തിലാണ് പിന്നീട് അഭിനയിച്ചത്.2017ല് ഒറ്റമുറി വെളിച്ചം, അവരുടെ രാവുകള് എ്ന്നീ ചിത്രങ്ങളിലും അഭിനയിച്ചു.ചലച്ചിത്രങ്ങള്ക്കു പുറമെ മൗനം സൊല്ലും വാര്ത്തെകള് എന്ന തമിഴ് മ്യൂസിക്കല് ആല്ബത്തിലും അഭിനയിച്ചിട്ടുണ്ട്.ഭര്ത്താവ് ജോസ് ജോജോ.