വിഷ്ണു നാരായണന്‍ ജീവചരിത്രം

മലയാള ചലച്ചിത്ര സംവിധായകനാണ് വിഷ്ണു നാരായണന്‍. സഹസംവിധായകനായി ചലച്ചിത്ര ജീവിതം അരംഭിച്ച വിഷ്ണു 22 ഫീമെയില്‍ കോട്ടയം, നീലാകാശം പച്ചക്കടല്‍ ചുവന്ന ഭൂമി, ടമാാര്‍ പഠാാര്‍ എന്നീ ചിത്രങ്ങളില്‍  പ്രവര്‍ത്തിച്ചിട്ടുണ്ട്. 2015ല്‍ പ്രദര്‍ശനത്തിനെത്തിയ ആഷിക് ആബു ചിത്രം റാണി പത്മിനി, 2016ല്‍ പ്രദര്‍ശനത്തിനെത്തിയ ദിലീഷ് പോത്തന്‍ ചിത്രം മഹേഷിന്റെ പ്രതികാരം എന്നീ ചിത്രങ്ങളുടെ ചീഫ് അസോസിയേറ്റ് സംവിധായകനായിരുന്നു.2018ല്‍ മറഡോണ എന്ന ചിത്രം സംവിധാനം ചെയ്യ്തുകൊണ്ട് സ്വതന്ത്രസംവിധായകനായി. ടൊവിനോ തോമസ്, ശരണ്യ നായര്‍, ചെമ്പന്‍ വിനോദ് ജോസ് എന്നിവരാണ് ചിത്രത്തിലെ പ്രധാന അഭിനേതാക്കള്‍. ചിത്രത്തിന്റെ പേര് മറഡോണ എന്നുള്ളതിനാല്‍  ഇതൊരു ഫുട്‌ബോള്‍ ചിത്രമാണെന്ന് കരുതരുത് എന്ന്  ടൊവീനോ ഫെയ്‌സ്ബുക്കിലൂടെ പറഞ്ഞിരുന്നു. ധനുഷിന്റെ നിര്‍മാണ കമ്പനിയായ വണ്ടര്‍ബാര്‍ ഫിലിംസും മിനി സ്റ്റുഡിയോയും ചേര്‍ന്നാണ് ചിത്രം നിര്‍മ്മിക്കുന്നത്.