Malayalam » Movies » Angamaly Diaries » Story

അങ്കമാലി ഡയറീസ്

സാഹിത്യ രൂപം

Comedy

പ്രയോജന നിരൂപണം

റിലീസ് ചെയ്ത തിയ്യതി

02 Mar 2017
കഥ/ സംഭവവിവരണം
എണ്‍പത്തിയാറ്  പുതുമുഖ താരങ്ങളെ പരിചയപ്പെടുത്തിക്കൊണ്ട് ലിജോ ജോസ് പെല്ലിശ്ശേരി സംവിധാനം ചെയ്ത ചിത്രമാണ് അങ്കമാലി ഡയറീസ്. നടന്‍ ചെമ്പന്‍ വിനോദ് ജോസ് ആദ്യമായി തിരക്കഥയൊരുക്കുന്ന ചിത്രമെന്ന പ്രത്യേകതയും അങ്കമാലി ഡയറീസിനുണ്ട്. സിനിമയ്ക്ക് എന്തെങ്കിലും പ്രത്യേകത ഉണ്ടായിരിക്കണമെ ന്ന നിര്‍മാതാവ് വിജയ് ബാബുവിന്റെ നിര്‍ദ്ദേശത്തെ തുടര്‍ന്നാണ് ചിത്രത്തില്‍ പുതുമുഖ താരങ്ങള്‍ മതിയെന്ന തീരുമാനത്തിലെത്തുന്നത്. 

നായകന്റെ ചെറുപ്പകാലം മുതലുള്ള ജീവിതമാണ് ചിത്രത്തില്‍ അവതരിപ്പിച്ചിട്ടുള്ളത്. ഫ്രൈഡേ ഫിലിംഹൗസിന്റെ ബാനറില്‍ പുറത്തിറങ്ങിയ ചിത്രത്തിന്റെ സംഗീത സംവിധാനം പ്രശാന്ത് പിള്ളയാണ്.  ടിറ്റോ വില്‍സണ്‍, ശരത് കുമാര്‍, രേഷ്മ രാജന്‍ എന്നിവരാണ് മുഖ്യകഥാപാത്രങ്ങളായെത്തുന്നത്. ആന്റണി വര്‍ഗ്ഗീസ്, സിനോജ് വര്‍ഗ്ഗീസ്, വിനീത് വിശ്വന്‍, ബിറ്റോ ഡേവിസ് എന്നിവരും ചിത്രത്തിന്റെ ഭാഗമാവുന്നു. ഗിരീഷ് ഗംഗാധരന്റെ ഛായാഗ്രഹണത്തിലാണ് ചിത്രം പുറത്തിറങ്ങിയിട്ടുള്ളത്. ചെമ്പന്‍ വിനോദിന്റെ സഹോദരന്‍ ഉല്ലാസ് ജോസ് ചെമ്പനും ചിത്രത്തില്‍ അരങ്ങേറ്റം കുറിയ്ക്കുന്നു. ഷമീര്‍ മുഹമ്മദാണ് ചിത്രത്തിന്റെ എഡിറ്റിംഗ്  നിര്‍വ്വഹിച്ചിട്ടുള്ളത്.