കാര്യസ്ഥന്‍ കഥ

കെ.ഉദയകൃഷ്ണ, സിബി.കെ.തോമസ് എന്നിവരുടെ തിരക്കഥയില്‍ തോംസണ്‍ സംവിധാനം ചെയ്ത ചിത്രമാണ് കാര്യസ്ഥന്‍.ദിലീപ്,അഖില ശശിധരന്‍,മധു,സലീം കുമാര്‍,സുരാജ് വെഞ്ഞാറമൂട് എന്നിവരാണ് ചിത്രത്തിലെ പ്രധാന അഭിനേതാക്കള്‍.അഖില ശശിധരന്റെ ആദ്യ ചിത്രം കൂടിയാണിത്.കൃഷ്ണപുരം എന്ന ഗ്രാമത്തിലെ രണ്ടു കുടുംബങ്ങളുടെ കഥയാണ് ചിത്രം അവതരിപ്പിക്കുന്നത്.കൈതപ്രം ദാമോദരന്റെ വരികള്‍ക്ക് ബേണി-ഇഗ്നഷ്യസ് ആണ് സംഗീതം പകര്‍ന്നിരിക്കുന്നത്.അഫ്‌സല്‍,ജ്യോത്സന,ബെന്നി ദയാല്‍,മധു ബാലകൃഷ്ണന്‍ എന്നിവരാണ് ചിത്രത്തിലെ ഗാനങ്ങള്‍ ആലപിച്ചിരിക്കുന്നത്.മഹേഷ് നാരായണന്‍ എഡിറ്റിങ്ങും പി.സുകുമാര്‍ ഛായാഗ്രഹണവും നിര്‍വ്വഹിച്ചിരിക്കുന്നു.ആന്‍ മീഡിയയുടെ ബാനറില്‍ നീറ്റോ ആന്റോയാണ് ചിത്രം നിര്‍മ്മിച്ചത്.