ഒരു അഡാറ് ലവ് കഥ

ഹാപ്പി വെഡ്ഡിംഗ്, ചങ്ക്‌സ് എന്നീ ചിത്രങ്ങള്‍ക്കു ശേഷം ഒമര്‍ ലുലു സംവിധാനം ചെയ്ത ചിത്രമാണ് ഒരു അഡാര്‍ ലവ്.പ്രിയ പ്രകാശ് വാര്യര്‍,റോഷന്‍ അബ്ദുള്‍ റൗഫ്,നൂറിന്‍ ഷെരീഫ് തുടങ്ങി പുതുമുഖങ്ങളാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.റൊമാന്റിക് കോമഡിയായി ഒരുക്കിയ ചിത്രത്തിന്റെ കഥയും സംഭാഷണവും സാരാംഗ് ജയപ്രാകശും ലിജോ പനഡാനുമാണ് നിര്‍വ്വഹിച്ചത്.

കേരളത്തിലെ ഒരു പ്ലസ് ടു സ്‌ക്കൂളിലെ വിദ്യാര്‍ത്ഥികള്‍ക്കിടയിലെ പ്രേമകഥയാണ് ചിത്രം പറയുന്നത്.ഷാന്‍ റഹ്മാനാണ് ചിത്രത്തിന്റെ സംഗീതം നിര്‍വ്വഹിച്ചിരിക്കുന്നത്.ചിത്രത്തില്‍ വിനീത് ശ്രീനിവാസന്‍ ആലപിച്ച മാണിക്യ മലരായ പൂവി എന്ന ഗാനത്തിന്റെ പുനരാവിഷ്‌കരണത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്.

പാട്ട് ഹിറ്റായതിന് പിന്നാലെ മതവികാരം വൃണപ്പെടുത്തിയെന്ന ആരോപണവുമായി തെലുങ്കാനയില്‍ നിന്നും സംവിധായകന്‍, നടി, നിര്‍മാതാവ് എന്നിവര്‍ക്കെതിരെ കേസ് വന്നിരുന്നു.ഗാനത്തിനെതിരെ ഹൈദരാബാദിലെ ഒരു സംഘമാണ് പൊലീസില്‍ പരാതി നല്‍കിയത്. എന്നാല്‍ 'സിനിമയില്‍ ആരെങ്കിലും ഒരു പാട്ടുപാടും, നിങ്ങള്‍ അതിനെതിരെ കേസെടുക്കുമോന്ന്' ചോദിച്ച് സുപ്രീം കോടതി ഹര്‍ജി റദ്ദാക്കിയിരുന്നു.

മാണിക്യ മലരായ പൂവി ഗാനം പുറത്തിറങ്ങിയതു മുതലായിരുന്നു ചിത്രത്തിന് സോഷ്യല്‍ മീഡിയയിലെല്ലാം മികച്ച പിന്തുണ ലഭിച്ചു തുടങ്ങിയത്. പാട്ട് ഹിറ്റായതിനു പിന്നാലെ ചിത്രത്തിലെ നായിക പ്രിയ പ്രകാശ് വാര്യരും ശ്രദ്ധിക്കപ്പെട്ടിരുന്നു.

** Note : കുറിപ്പ്: ഒരു അഡാറ് ലവ് എന്ന സിനിമയുടെ കഥാ സന്ദർഭമോ അഭിനേതാക്കൾ, അണിയറപ്രവർത്തകർ എന്നിവരെ കുറിച്ചുള്ള വിവരങ്ങളോ ഞങ്ങളുമായി പങ്കുവെക്കാം. വിവരങ്ങൾ [email protected] എന്ന വിലാസത്തിലേക്ക് അയക്കുക.

Disclaimer: നിരാകരണം: പോസ്റ്ററുകൾ, ബാക്ക്‌ഡ്രോപ്പുകൾ, പ്രൊഫൈൽ ചിത്രങ്ങൾ എന്നിവ ന്യായമായ ഉപയോഗ മാർഗ്ഗനിർദ്ദേശങ്ങൾക്ക് കീഴിൽ ബന്ധപ്പെട്ട സിനിമകളെയും ടിവി ഷോകളെയും പ്രതിനിധീകരിക്കാൻ ഉദ്ദേശിച്ചുള്ളതാണ്. സോഷ്യൽ മീഡിയയിൽ നിന്ന്, പ്രത്യേകിച്ച് ട്വിറ്ററിൽ നിന്നാണ് ഇവ ശേഖരിക്കുന്നത്. കോപ്പിറൈറ് ഉടമകൾ നൽകുന്ന ഔദ്യോഗിക സാമഗ്രികൾ മാത്രം ഉപയോഗിക്കാനാണ് ഞങ്ങൾ ശ്രമിക്കുന്നത്.

സ്‌പോട്ട്‌ലൈറ്റിലെ സിനിമകള്‍

കൂടുതല്‍ സിനിമകള്‍