പ്രേംനസീര്‍ മുതല്‍ ഭാവന വരെ; രാശിയില്ലാതെ പേരു മാറ്റിയ താരങ്ങള്‍

മലയാളത്തിന്റെ ജനപ്രിയ നായകന്‍ ദിലീപിന്റെ യഥാര്‍ത്ഥ പേര് ഗോപാലകൃഷ്ണന്‍ എന്നായിരുന്നു.കലാരംഗത്ത് സജീവമായതോടെയാണ് ദിലീപ് എന്ന പേര് മാറ്റിയത്.

പ്രേംനസീറിന്റെ ഭാഗ്യ നടിയായിരുന്നു ഷീലയുടെ യഥാര്‍ത്ഥ പേര് ക്ലാര എന്നായിരുന്നു. ക്ലാര എന്ന പേര് ഒരു സിനിമനടിക്ക് ചേരില്ല എന്ന തോന്നിയതുകൊണ്ട് പിന്നീട് ഷീല എന്ന പേര് മാറ്റുകയായിരുന്നു.

മെഗാസ്റ്റാര്‍ മമ്മൂട്ടിയുടെ യഥാര്‍ത്ഥ പേര് മുഹമ്മദ് കുട്ടി എന്നാണ്. സുഹൃത്തുക്കള്‍ക്കും ബന്ധുക്കള്‍ക്കും ഇടയില്‍ മമ്മൂട്ടി എന്ന പേരില്‍ അറിയപ്പെട്ട താരം സിനിമയില്‍ വന്നതിനുശേഷം ആ പേര് സ്വീകരിക്കുകയായിരുന്നു.

ദിലീപ് നായകനായി എത്തിയ ഇഷ്ടം എന്ന ചിത്രത്തിലൂടെ ചലച്ചിത്രരംഗത്ത് എത്തിയ നവ്യ നായരുടെ യഥാര്‍ത്ഥ പേര് ധന്യ വീണ എന്നായിരുന്നു.

മലയാളികളുടെ പ്രിയപ്പെട്ട താരം ഭാവനയുടെ യഥാര്‍ത്ഥ പേര് കാര്‍ത്തിക മേനോന്‍ എന്നായിരുന്നു. കാര്‍ത്തിക എന്ന പേരില്‍ ഒരു നടി ഉള്ളതിനാല്‍ ഭാവന എന്നാക്കി മാറ്റുകയായിരുന്നു.

മലയാളത്തിന്റെ പ്രിയ നടി പാര്‍വതി ജയറാമിന്റെ യഥാര്‍ത്ഥ പേര് അശ്വതി കുറുപ്പ് എന്നായിരുന്നു. സിനിമയില്‍ വന്നതിനുശേഷം പാര്‍വതി എന്നാക്കി മാറ്റുകയായിരുന്നു.

മലയാളത്തിന്റെ നിത്യഹരിത നായകന്‍ പ്രേംനസീറിന്റെ യഥാര്‍ത്ഥ പേര് അബ്ദുള്‍ ഖാദര്‍ എന്നാണ്.1952ല്‍ പുറത്തിറങ്ങിയ വിശപ്പിന്റെ വിളി എന്ന ചിത്രം മുതലാണ് പ്രേംനസീര്‍ എന്ന പേരില്‍ അറിയപ്പെട്ടു തുടങ്ങിയത്.

മലയാളത്തിന്റെ പ്രിയ നടി രേവതിയുടെ യഥാര്‍ത്ഥ പേര് ആശ കേളുണ്ണി നായര്‍ എന്നായിരുന്നു. പി ഭാരതിരാജയാണ് രേവതി എന്ന പേര് നല്‍കിയത്.

ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെ ചലച്ചിത്രരംഗത്തെത്തിയ ഭാമയുടെ യഥാര്‍ത്ഥ പേര് രേഖിത രാജേന്ദ്ര കുറുപ്പ് എന്നായിരുന്നു.

മോഹന്‍ലാലിന്റെയും ജയറാമിന്റെയും ഭാഗ്യനായികയായിരുന്ന ഉര്‍വശിയുടെ യഥാര്‍ത്ഥ പേര് കവിത രഞ്ജിനി എന്നായിരുന്നു.