തുടക്കം കുറിച്ച് ജോജുവും സൗബിനും, ഫെബ്രുവരിയില്‍ റിലീസ് ചെയ്യുന്ന സിനിമകള്‍

ജോജു ജോര്‍ജ്ജ് ആദ്യമായി ഇരട്ട വേഷത്തിലെത്തുന്ന ചിത്രമാണ് ഇരട്ട. മാര്‍ട്ടിന്‍ പ്രക്കാട്ട് സംവിധാനം ചെയ്ത ചിത്രം ഫെബ്രുവരി മൂന്നിനാണ് തിയേറ്ററുകളിലെത്തുന്നത്. പോലീസ് ക്രൈം ഇന്‍വസ്റ്റിഗേഷന്‍ ത്രില്ലറായി ഒരുക്കിയ ചിത്രത്തില്‍ തെന്നിന്ത്യന്‍ താരം അഞ്ജലിയാണ് നായികയായി എത്തുന്നത്. ഇരട്ട സഹോദരങ്ങളായ രണ്ട് പോലീസ് ഉദ്യോഗസ്ഥരുടെ കഥയാണ് ചിത്രം പറയുന്നത്‌.  

അനീഷ് ജി മേനോന്‍, അനു സിത്താര, ജോണി ആന്റണി എന്നിവരെ പ്രധാന കഥാപാത്രങ്ങളാക്കി അമീന്‍ അസ്‌ളം സംവിധാനം ചെയ്ത ചിത്രമാണ് മോമോ ഇന്‍ ദുബായ്. ചിത്രം ഫെബ്രുവരി 3നാണ് പ്രേക്ഷകരിലേക്ക് എത്തുന്നത്. ഹലാല്‍ ലവ് സ്‌റ്റോറിക്ക് ശേഷം സക്കരിയയും, ആയിഷ എന്ന ചിത്രത്തിന്റെ തിരക്കഥാകൃത്ത് ആഷിഫ് കക്കോടിയും ചേര്‍ന്നാണ് ചിത്രത്തിന്റെ തിരക്കഥ എഴുതിയത്.  

സൗബിിന്‍ ഷാഹിര്‍ നായകനായി എത്തുന്ന രോമാഞ്ചം ഫെബ്രുവരി 3നാണ് തിയേറ്ററുകളിലെത്തുന്നത്. നവാഗതനായ ജിത്തു മാധവന്‍ സംവിദാനം ചെയ്ത ചിത്രം ഹൊറര്‍ കോമഡിയായിട്ടാണ് ഒരുക്കിയിരിക്കുന്നത്. അര്‍ജുന്‍ അശോകന്‍, ചെമ്പന്‍ വിനോദ് ജോസ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.  

ബിബിന്‍ ജോര്‍ജ്ജും വിഷ്ണു ഉണ്ണികൃഷ്ണനും ആദ്യമായി സംവിധാനം ചെയ്ത ചിത്രമാണ് വെടിക്കെട്ട്. പുതുമുഖങ്ങളായ ശ്രദ്ധ ജോസഫ്, ഐശ്വര്യ അനില്‍കുമാര്‍ എന്നിവരാണ് ചിത്രത്തില്‍ നായികമാരായി എത്തുന്നത്. വിഷ്ണുവു ബിബിനും തന്നെയാണ് വെടിക്കെട്ടിലെ നായകന്മാര്‍. ഫെബ്രുവരി 3നാണ് ചിത്രം തിയേറ്ററുകളിലെത്തുന്നത്.  

മാത്യു തോമസും മാളവിക മോഹനനും പ്രധാന കഥാപാത്രങ്ങളായി എത്തുന്ന ക്രിസ്റ്റി ഫെബ്രുവരി മൂന്നിനാണ്  പ്രേക്ഷകരിലേക്ക് എത്തുന്നത്. നവാഗതനായ ആല്‍വിന്‍ ഹെന്‍ട്രി സംവിധാനം ചെയ്ത ചിത്രം പ്രണയകഥയാണ് പറയുന്നത്. ഒരിടവേളയ്ക്ക് ശേഷം മാളവിക മലയാളത്തിലേക്ക് വീണ്ടും തിരിച്ചെത്തുകയാണ് ക്രിസ്റ്റിയിലൂടെ.