വീഗന്‍ ഡയറ്റ് പിന്തുടരുന്ന ബോളിവുഡിലെ പ്രശസ്തര്‍

2021ലായിരുന്നു വീഗന്‍ ഡയറ്റ് പിന്തുടരുന്ന കാര്യം ബോളിവുഡ് നടന്‍ രണ്‍വീര്‍ സിങ് തുറന്നു പറഞ്ഞത്. 3 മണിക്കൂര്‍ ഇടവേളകളില്‍ പോക്ഷകസമൃദ്ധമായ ഭക്ഷണമാണ് താരം കഴിക്കുന്നത്. വീഗന്‍ ഡയറ്റിനൊപ്പം തന്നെ കൃത്യമായ വര്‍ക്ക് ഔട്ടും താരം നടത്തുന്നുണ്ട്. രാവിലെയും വൈകിട്ടും ഓരോ മണിക്കൂര്‍ വീതമാണ് രണ്‍വീര്‍ വര്‍ക്ക് ഔട്ട് നടത്തുന്നത്.  

2021ലാണ് മത്സ്യവും മാംസവും ഉപേക്ഷിച്ച് പൂര്‍ണമായും വീഗന്‍ ഡയറ്റ് പിന്തുടരാന്‍ ആലിയ ഭട്ട് തീരുമാനിച്ചത്. രാവിലെ ഉറങ്ങി എഴുന്നേല്‍ക്കുമ്പോള്‍ തന്നെ ഒരു ഗ്ലാസ് ജ്യൂസാണ് ആലിയ കുടിക്കുന്നത്. തുടര്‍ന്ന് 11 മണിക്ക് പഴങ്ങളും ബ്രേക്ക്ഫാസ്റ്റും കഴിക്കും. വീഗന്‍ ഡയറ്റിനൊപ്പം തന്നെ കൃത്യമായി വര്‍ക്ക് ഔട്ടും ആലിയ ചെയ്യുന്നുണ്ട്‌.  

ഫിറ്റ്‌നസിന്റെ കാര്യത്തില്‍ യാതൊരു വിധത്തിലുമുള്ള വിട്ടുവീഴ്ചകള്‍ക്കും തയ്യാറല്ലാത്ത നടനാണ് ജോണ്‍ എബ്രഹാം. വര്‍ക്ക് ഔട്ടിനൊപ്പം വര്‍ഷങ്ങളായി കൃത്യമായ ഡയറ്റും പിന്തുടരുന്ന നടന്‍ ഏറെക്കാലമായി വെജിറ്റേറിയന്‍ ആഹാരരീതിയാണ് പിന്തുടരുന്നത്. മൃഗങ്ങളോടുള്ള ക്രൂരതകള്‍ക്കെതിരേ നിരന്തരം പ്രതികരിക്കുന്ന താരം മാംസം പൂര്‍ണമായും ഉപേക്ഷിക്കുകയായിരുന്നു.  

വീഗന്‍ ഡയറ്റ് പിന്തുടരുന്ന മറ്റൊരു ബോളിവുഡ് നടനാണ് ആമീര്‍ ഖാന്‍, തൈര്, പാല് തുടങ്ങിയ പാലുല്‍പ്പന്നങ്ങളെല്ലാം നടന്‍ പൂര്‍ണമായും ഉപേക്ഷിച്ചിട്ടുണ്ട്. മുന്‍ ഭാര്യ കിരണ്‍ റാവുവിന്റെ നിര്‍ദ്ദേശപ്രകാരമാണ് വീഗന്‍ ഡയറ്റ് പിന്തുടരാനാന്‍ ആമീര്‍ തീരുമാനിച്ചത്.  

മുമ്പ് മത്സ്യവും മാംസവും കഴിച്ചിരുന്ന സോനം കപൂര്‍ ഇപ്പോള്‍ പൂര്‍ണമായും വെജിറ്റേറിയന്‍ ഭക്ഷണമാണ് കഴിക്കുന്നത്. മൃഗങ്ങള്‍ക്കെതിരേയുള്ള ക്രൂരതകളോട് നിരന്തരം പ്രതികരിക്കുന്ന സോനം ഇപ്പോള്‍ വീഗന്‍ ഡയറ്റാണ് പിന്തുടരുന്നത്. പാലും പാലുത്പന്നങ്ങളും പൂര്‍ണമായും ഉപേക്ഷിച്ച നടി ഇക്കാര്യം സോഷ്യല്‍മീഡിയയിലൂടെ തുറന്നു പറയുകയും ചെയ്തിട്ടുണ്ട്.