Click it and Unblock the Notifications
പേരില നാട്ടുപെരുമ ; പേരിനൊപ്പം സ്ഥലപ്പേരു ചേര്ത്ത മലയാള ചലച്ചിത്ര താരങ്ങള്
തന്നോടൊപ്പം തന്റെ നാടും പ്രശസ്തമാക്കിയ നിരവധി താരങ്ങള് മലയാളത്തിലുണ്ട്. അവരില് പലരും പേരിനൊപ്പം സ്വന്തം നാടിന്റെ പേര് കൂട്ടിച്ചേര്ത്തവരാണ്. അത്തരത്തില് പേരിനൊപ്പം നാടിന്റെ പേരു കൂടി കൂട്ടിച്ചേര്ത്ത മലയാളത്തിലെ താരങ്ങളിതാ..!
മലയാള സിനിമയുടെ ഹാസ്യ സാമ്രാട്ട് ജഗതി ശ്രീകുമാറിന്റെ പേരിനൊപ്പമുള്ള ജഗതി അദ്ധേഹത്തിന്റെ നാടിന്റെ പേരാണ്. തിരുവനന്തപുരം ജില്ലയിലാണ് ഈ സ്ഥലം. ജഗതി ശ്രീകുമാറിന്റെ പിതാവ് ജഗതി എന് കെ ആചാരിയും പേരിനൊപ്പം സ്വന്തം സ്ഥലപ്പേര് ചേര്ത്തിരുന്നു. കൂടുതല് കാണാം
മലയാളത്തിന്റെ പ്രിയതാരം മാള അരവിന്ദനും പേരിനൊപ്പം സ്വന്തം നാടിന്റെ പേര് ചേര്ത്ത നടനാണ്. ഏഴാം ക്ലാസിൽ പഠിക്കുമ്പോൾ അച്ഛനെ നഷ്ടപ്പെട്ട ശേഷം സംഗീതാധ്യാപികയായ മാതാവിന്റെ ഒപ്പം മാളയിലെ വടമയിൽ വന്നു താമസമാക്കിയ അരവിന്ദൻ പിന്നീട് മാള അരവിന്ദൻ എന്ന പേരിൽ പ്രശസ്തനാവുകയായിരുന്നു. കൂടുതല് കാണാം
തിരുവനന്തപുരം ജില്ലയിലെ കരമന എന്ന സ്ഥലത്തെക്കുറിച്ച് പറയുമ്പോള് മലയാളത്തിന്റെ പ്രിയതാരം കരമന ജനാര്ദ്ദനന് നായരെയാണ് ആദ്യം ഓര്മ്മ വരിക. അടൂര് ഗോപാലകൃഷ്ണന് സംവിധാനം ചെയ്ത എലിപ്പത്തായത്തിലൂടെ മലയാളസിനിമയില് ശ്രദ്ധിക്കപ്പെട്ട കരമന ജനാര്ദ്ദനന് നായരിലൂടെ അദ്ധേഹത്തിന്റെ നാടും പ്രശസ്തമായി. കൂടുതല് കാണാം
അമ്മ വേഷങ്ങളിലൂടെ മലയാളികളുടെ മനസ്സില് ഇടം നേടിയ ചലച്ചിത്ര നടിയായ കവിയൂര് പൊന്നമ്മയും പേരിനൊപ്പം സ്വന്തം സ്ഥലപ്പേരു ചേര്ത്താണ് അറിയപ്പെടുന്നത്. മലയാള സിനിമാരംഗത്തെ മിക്ക പ്രമുഖ നടൻമാരുടെയും അമ്മയായി കവിയൂർ പൊന്നമ്മ വേഷമിട്ടിട്ടുണ്ടെങ്കിലും മോഹൻലാലിന്റെ അമ്മയായുള്ള വേഷങ്ങൾ കൂടുതൽ ശ്രദ്ധിക്കപ്പെട്ടിട്ടുള്ളത്. കൂടുതല് കാണാം
അടൂര് എന്ന് കേട്ടാല് മലയാളത്തിന്റെ ഈ പ്രിയ നടനെ ഓര്ക്കാത്തവരില്ല. തിരുവനന്തപുരത്തെ വഴുതയ്ക്കാടാണ് കെ ഭാസ്ക്കരന് നായര് എന്ന അടൂര് ഭാസി ജനിച്ചത്. പിന്നീട് അച്ഛന്റെ മരണശേഷം അടൂരിലേക്ക് കുടുംബം താമസം മാറ്റുകയായിരുന്നു. തുടര്ന്ന് സിനിമയില് വന്നതിനുശേഷം പേരിനൊപ്പം അടൂര് കൂടി ചേര്ക്കുകയായിരുന്നു. കൂടുതല് കാണാം
ഹാസ്യ കഥാപാത്രങ്ങളിലൂടെ വന്ന് പിന്നീട് നായക വേഷങ്ങളിലൂടെ പ്രേക്ഷകരെ അത്ഭുതപ്പെടുത്തിയ ചലച്ചിത്ര നടനാണ് സുരാജ് വെഞ്ഞാറമൂട്. 2006ല് പുറത്തിറങ്ങിയ തുറപ്പുഗുലാനിലൂടെ ചലച്ചിത്രരംഗത്ത് ശ്രദ്ധിക്കപ്പെട്ട സുരാജും പേരിനൊപ്പം സ്വന്തം സ്ഥലപ്പേര് ചേര്ത്തിട്ടുണ്ട്. തിരുവനന്തപുരത്തെ വെഞ്ഞാറമൂട് എന്ന പറയുമ്പോള് നമ്മള് ആദ്യം ഓര്ക്കുന്നതും സുരാജ് വെഞ്ഞാറമൂടിനെയാണ്. കൂടുതല് കാണാം
മലയാള സിനിമയിലെ എക്കാലത്തെയും മികച്ച സ്വഭാവ നടന്മാരിലൊരാളായ കൊട്ടാരക്കര ശ്രീധരന് നായരെ 'കൊട്ടാരക്കര' എന്നാണ് അറിയപ്പെട്ടിരുന്നത്. കൂടുതല് കാണാം
ഹാസ്യ കഥാപാത്രങ്ങളിലൂടെ പ്രേക്ഷകരുടെ മനസ്സില് ഇടം നേടിയ കുളപ്പുള്ളി ലീല എന്ന നടിക്കൊപ്പം പ്രശസ്തമായത് കുളപ്പുള്ളി എന്ന സ്ഥലമാണ്. കൂടുതല് കാണാം
Disclaimer
The images featured on this page are sourced from publicly available platforms, official press releases, and promotional materials. These images are published strictly for editorial, informational, and news reporting purposes under the principles of fair use.
We do not claim ownership of any images unless explicitly stated. All image copyrights belong to their respective photographers, production houses, or copyright holders.
If you are the rightful owner of any image and believe that its use on this website is unauthorized or objectionable, please contact us ([email protected]) with proper details. We will promptly review and remove the content if required.
Continue with Google